Total Users : 12985
Total views : 15204
Who's Online : 0
ટાઈમ્સ ઓફ અમદાવાદ- અમરેલી
અમરેલી જિલ્લામાં પોલીસ હેડ ક્વાર્ટર ફરજ બજાવતા 8 જેટલા પોલીસ કર્મીઓને જિલ્લા પોલીસ વડા દ્વારા સસ્પેન્ડ કરી દેવાતા પોલીસ બેડામાં ચકચાર મચી જવા પામી છે.
આ બનાવમાં અમરેલી જિલ્લાના SP શ્રી હિમકરસિંહ સાહેબની મીડિયા સાથે થયેલ વાતચીત દરમ્યાન વિગત જાણવા મળેલ કે અમરેલી જિલ્લામાં પોલીસ હેડ ક્વાર્ટર ફરજ બજાવતા 8 જેટલા પોલીસ કર્મીઓને રાજકોટ અને જુનાગઢ ખાતે થતી ADI ટ્રેનિંગમાં જવાનુ હોય છે. પરંતુ આ તમામ પોલીસકર્મીઓ વિવિધ બહાના બનાવી રજા ઉપર જતાં રહી ફરજમાં બેદરકારી દાખવેલ હોય જે અંગે જિલ્લા પોલીસ વડા હિમકરસિંહ દ્વારા 8 પોલીસકર્મીઓ વિરુદ્ધ તપાસ હાથ ધરાઈ હતી.
આ બનાવ બાદ જિલ્લા પોલીસ વડા હિમકર સિંહ દ્વારા અમરેલી પોલીસ હેડ ક્વાટરમાં ફરજમાં બેદરકારી બદલ અમરેલીમાં ફરજ બજાવતા 8 પોલીસકર્મીઓ સામે કડક કાર્યવાહી કરતા તાત્કાલિક ધોરણે સસ્પેન્ડ કરતાં પોલીસ બેડામાં ચકચાર મચી જવા પામી છે. આ અંગે અમરેલી જિલ્લા પોલીસ વડા હિમકર સિંહનો ટેલિફોનિક સંપર્ક કરવામાં આવતાં તેઓએ અમરેલી જિલ્લામાં પોલીસમાં ફરજ બજાવતા 8 જેટલા પોલીસ કર્મીઓને સસ્પેન્ડ કરી વાતની પુષ્ટી કરી હતી.
