Total Users : 13130
Total views : 15369
Who's Online : 3
રીતેશ પરમાર (ક્રાઈમ રીપોર્ટર )
આજે ગુજરાતમાં સેન્ટ્રલ બ્યુરો ઓફ ઇન્વેસ્ટિગેશન (સીબીઆઈ)એ સપાટો બોલાવી દીધો છે. અમદાવાદમાંથી 30 લાખની લાંચ લેતા બેંક અધિકારીને દબોચી લીધો છે. રત્નાકર બેંકના રિજીયોનલ હેડે સર્ટિફિકેટ કાઢી આપવા લાંચ માંગી હોવાનું સામે આવ્યું છે. ઉલ્લેખનીય છે કે, લાંબા સમય પછી બેંકના ટોચના કોઈ અધિકારીઓ સીબીઆઈના સંકજામાં આવ્યા છે.
મળતી વિગત મુજબ સીબીઆઈને દેશ વ્યાપી કોઈ બેંક રેકેટ અંગે બાતમી મળી હતી, જેમાં દિલ્હી, મુંબઈ, પૂના, અમદાવાદ સહિત પાંચ શહેરોનો સમાવેશ થાય છે. આ સ્થળોએ સીબીઆઈએ ખાનગી તપાસ કરાવતા અમદાવાદના પ્રહલાદનગર રોડ પરની રત્નાકર બેંકની બ્રાન્ચમાં અધિકારીએ વેલ્યુએશન સર્ટિફિકેટ માટે લાંચ માંગી છે, તે પણ રૂ.30 લાખની માંગણી કરી છે તેવી હકીકત સામે આવતા ટ્રેપ ગોઠવી રિજીયોનલ હેડ તરીકે ફરજ બજાવતા બેંકના ટોચના અધિકારી નિમેષ માંગેરને રૂ.30 લાખ સ્વીકારતા રંગે હાથ દબોચી લીધો હતો.
આ તરફ પૂનામાં પણ સીબીઆઈની ટીમે કાર્યવાહી કરી છે. ત્યાંથી રિકવરી હેડને ઝડપી લેવાયો છે. આથી ભ્રષ્ટાચારનું મોટું બેંક કૌભાંડ બહાર આવે તેવી પણ સંભાવના છે.
