ગુજરાત ATS નો સપાટો: તહેવારો પર લોહીની હોળી રમવાના પાકિસ્તાની મનસુબાઓ પર ફેરવ્યું પાણી, 8 આંતંકીઓને દબોચ્યા

અહેવાલ -રીતેશ પરમાર (સિનિયર જર્નાલિસ્ટ )

આ કોઈ સામાન્ય ધરપકડ નહોતી, પણ સીમાપારથી ખેલાઈ રહેલા એક ખતરનાક આતંકી ષડયંત્રના ચીંથરેચીંથરા ઉડાવી દેનારો ‘હાઇ-વોલ્ટેજ’ પ્રહાર હતો. જ્યારે આખું ગુજરાત શાંતિની ઊંઘ માણી રહ્યું હતું, ત્યારે ગુજરાત ATS (એન્ટી ટેરરિસ્ટ સ્ક્વોડ)ના જાંબાઝ ઓફિસરો કાળી રાતના અંધારામાં દેશના દુશ્મનોનો શિકાર કરવા નીકળ્યા હતા.સ્ક્રીન પર ટપોટપ લાલ ટપકાં ચમકી રહ્યાં હતાં… બનાસકાંઠાનું પાલનપુર, પાટણનું સિદ્ધપુર, નવસારીનું ચીખલી અને સીધું મધ્ય પ્રદેશનું દેવાસ! પાકિસ્તાનમાં બેઠેલા આકાઓ (JeM) રિમોટ કંટ્રોલથી ગુજરાતને ધ્રુજાવવાની સાઝિશ રચી રહ્યા હતા, પણ તેમને ખબર નહોતી કે સામે ગુજરાત પોલીસની એ ‘અભેદ દીવાલ’ ઊભી છે જેને ભેદવી અશક્ય છે.

💥 પ્રકરણ ૧: સરહદ પારનું કાવતરું અને ગુપ્ત કોડવર્ડ્સ:-

કંટ્રોલ રૂમમાં એન્ક્રિપ્ટેડ ચેટ્સ ડિકોડ થઈ રહી હતી. પાકિસ્તાન સ્થિત પ્રતિબંધિત આતંકી સંગઠન જૈશ-એ-મોહમ્મદ (JeM) ના આકાઓ ડિજિટલ દુનિયાના અંધારા ખૂણાઓનો ઉપયોગ કરીને ગુજરાતમાં સ્લીપર સેલ એક્ટિવ કરી રહ્યા હતા.

તેમનો હેતુ સ્પષ્ટ હતો:-

સ્થાનિક યુવાનોના મગજમાં ઝેર ઘોળવું, ધાર્મિક સંસ્થાઓની આડમાં આતંકનો બેઝ બનાવવો અને લોહીની હોળી ખેલવી.પણ, ATSના બાજ નજર રાખતા ઓફિસરોએ આ ઇન્ટરનેશનલ નેટવર્કની કડીઓ પકડી લીધી. આ કોઈ નાની-મોટી ચોરીનો કેસ નહોતો, આ સીધો દેશની અખંડિતતા પર હુમલો હતો.

🚨 પ્રકરણ ૨: ‘ઓપરેશન જૈશ-બસ્ટર’:-

જાંબાઝોની એક્શનઇન્ટેલિજન્સ ક્લિયર હતું. સમય બહુ ઓછો હતો. કાયદાની ભાષામાં કહીએ તો UAPA (ગેરકાયદેસર પ્રવૃત્તિઓ નિવારણ અધિનિયમ) અને ભારતીય ન્યાય સંહિતા (BNS)ની કલમો તૈયાર થઈ ચૂકી હતી. હવે વારો હતો ગ્રાઉન્ડ એક્શનનો!ગુજરાત ATSની અલગ-અલગ ટીમો એકસાથે એક્ટિવ થઈ

:પાલનપુર (બનાસકાંઠા):-

રાતના સન્નાટાને ચીરતી પોલીસની ગાડીઓ ભાગલ વિસ્તારમાં ઘેરાબંધી કરે છે. ૧૯ વર્ષના અબુ ઉબૈદા, ૩૦ વર્ષના અબુ હમઝા અને ૨૨ વર્ષના અબુ અયાને કોઈ તક મળતી નથી. કાયદાનો સકંજો એવો કસાયો કે ભાગવાનો રસ્તો જ ન બચ્યો.

સિદ્ધપુર (પાટણ): –

જામિયા અબુલ હસન મદરેસાની આસપાસ સિવિલ ડ્રેસમાં સજ્જ કમાન્ડો ગોઠવાઈ ગયા. ધર્મની આડમાં આતંકનું નેટવર્ક ચલાવતો ૪૦ વર્ષનો ‘મુફ્તી સાહબ’ (ફૌજાન ઇસ્માઇલ) અને તેની ગેંગના ઝકરિયા તથા અમીન પળવારમાં જમીનદોસ્ત થઈ ગયા.

નવસારી અને દેવાસ (MP):-

ઓપરેશન માત્ર ગુજરાત પૂરતું સીમિત નહોતું. એક ટીમ દક્ષિણ ગુજરાતના ચીખલીમાં ત્રાટકી તો બીજી ટીમ મધ્ય પ્રદેશના દેવાસમાં ઘૂસીને ૧૮ વર્ષના મોસ્ટ ડેન્જરસ આઉટલો ‘અબુ દુજાના’ ઉર્ફે ઉમર બિન ખત્તાબને કોલર પકડીને ખેંચી લાવી.

“🎯 ક્લાઇમેક્સ: આતંકનો ખાતમો, ખાખીનો વિજયઆ મિલિટરી સ્ટાઇલ ઓપરેશનમાં ૮ કથિત આતંકીઓને લોખંડી હાથોથી જેલના સળિયા પાછળ ધકેલી દેવાયા. તેમની પાસેથી પાકિસ્તાની લિંક્સ, ડિજિટલ પુરાવા અને વાંધાજનક દસ્તાવેજો જપ્ત કરાયા છે.ગુજરાત ATSના બહાદુર પોલીસકર્મીઓએ પોતાની જાન હથેળી પર મૂકીને સાબિત કરી દીધું કે દેશની સુરક્ષા સાથે સહેજ પણ બાંધછોડ નહીં થાય. ગુજરાત સુરક્ષિત છે કારણ કે સીમા પર સૈનિકો અને સરહદની અંદર આ ખાખીના રખેવાળો ચોવીસ કલાક જાગતા ઉભા છે! આતંકનું નેટવર્ક સંપૂર્ણપણે તબાહ થઈ ચૂક્યું છે.

🔥 ક્રાઇમ ડાયરી: “ગુનેગાર” ગમે તેટલો શાતિર હોય, પણ કાયદાના હાથ કાળ કરતાં પણ લાંબા હોય છે.””ધર્મના ઓઠા હેઠળ દેશદ્રોહનું ઝેર વેચનારાઓ ભૂલી ગયા હતા કે આ ગુજરાત છે, અહીં સિંહની ગુફામાં ઘૂસવાની સજા બહુ આકરી હોય છે.””સીમાપારના આકાઓ ડિજિટલ નેટવર્ક વણતા રહ્યા, અને અહીં ખાખી વર્દીના જાંબાઝોએ આખું મોડ્યુલ સ્મશાન બનાવી દીધું.””જ્યારે બહાદુરી લોહીમાં વહેતી હોય, ત્યારે આતંક ગમે તેટલો મોટો હોય… એને ઘૂંટણિયે પડવું જ પડે છે.”