Total Users : 13159
Total views : 15404
Who's Online : 1
અત્રે એક જનેતાએ તેની બે સગી દીકરીઓને ઝેર પાઈ મોતને ઘાટ ઉતારીને પોતે ગળે ફાંસો ખાઈ આપઘાતનો પ્રયાસ કર્યો હતો. જોકે તેને પડોશીઓ દ્વારા બચાવી લેવામાં આવી હતી. તેની હોસ્પીટલમાં સારવાર ચાલી રહી છે. આર્થિક સંકડામણમાં માતાએ બે દીકરીઓને ઝેર પીવડાવી મોતને ઘાટ ઉતારી ખુદે ગળે ફાંસો ખાઈ આપઘાતનો પ્રયાસ કર્યો હોવાનું માતાની સુસાઈડ નોટમાં બહાર આવ્યુ છે.
આ અંગે વધુમાં જાણવા મળતી વિગત મુજબ કારેલીબાગ વિસ્તારમાં આવેલી અક્ષતા સોસાયટીમાં ભાડાનાં મકાનમાં રહેતા દક્ષાબેન ચૌહાણે ઘરમાં બે દીકરીઓના હાથ-પગ બાંધીને ઝેર પીવડાવી દીધુ હતું.
દીકરીઓ તેમ છતાં ન મરતા માતાએ ગળા દબાવીને બન્ને દીકરીઓને મોતને ઘાટ ઉતારી હતી અને પોતે પણ ગળે ફાંસો ખાઈ આપઘાત કરવાનો પ્રયાસ કર્યો હતો. વધુમાં જાણવા મળતી માહિતી મુજબ દક્ષાબેનની મોટી દીકરી ટી.વાય બી.કોમમાં અભ્યાસ કરતી હતી. અને તેને એર હોસ્ટેસ બનવુ હતું. નાની દીકરી શાલીની 9 માં ધોરણમાં ભણતી હતી.
વધુમાં જાણવા મળતી વિગત અનુસાર દક્ષાબેનનાં 15 વર્ષ પહેલા ડીવોર્સ થઈ ગયા હતા. વિરમગામ સાસરૂ હતું તેઓ ભાડાનાં મકાનમાં રહેતા હતા. પોલીસને સુસાઈડ નોટ મળી છે. જેમાં આર્થિક સંકડામણમાં માતાએ આ ખોફનાક પગલુ ભર્યાનું બહાર આવેલ છે.
