Total Users : 9768
Total views : 11435
Who's Online : 0
આગામી હોળી-ધુળેટીના તહેવારને ધ્યાનમાં રાખી સુરત ગ્રામ્યના પોલીસ મહાનિર્દેશક શ્રી પિયુષ પટેલ તેમજ પોલીસ અધિક્ષક શ્રી હિતેશ જોયસર સાહેબની સૂચના પ્રમાણે સમગ્ર સુરત ગ્રામ્ય પોલીસ સ્ટેશન વિસ્તારોમાં તારીખ 1/3/2023 થી 8/3/2023 સુધી દારૂ-જુગારની ગેરકાયદેસર પ્રવૃતિઓને ડામી દેવા ડ્રાઈવ રાખવામાં આવેલ હતી. જેના સંદર્ભમાં વિભાગીય પોલીસ અધિક્ષક શ્રી બી. કે. વનાર કોસંબા પોલીસ સ્ટેશનના પોલીસ ઇન્સ્પેક્ટર શ્રી એચ. બી. ગોહિલ દ્વારા કોસંબા પોલીસ સ્ટેશનના પોલીસકર્મીઓની અલગ અલગ ટીમ બનાવી દારૂ-જુગારની પ્રવૃતિઓ આચરનારા ઈસમો વિરુદ્ધ અસરકારક કામગીરી કરવા કડક આદેશ આપવામાં આવ્યા હતા.
તે દરમ્યાન કોસબા પોલીસ સ્ટેશનનાં પી.આઈ. એચ.બી.ગોહિલ તથા અ.હે.કો હિમાંશુ રશ્મિકાન્ત નાઓને સંયુકત રીતે ખાનગી બાતમીદાર થકી ચોકકસ બાતમી મળી હતી કે “અંકલેશ્વર ખરોડ પાસે આવેલ લેન્ડમાર્કx હોટલની પાછળના ભાગે રહેતો અંશુ ઉર્ફે પિન્ટુ અવધેશ યાદવ નામનો ઇસમ દમણ વાપી થી ભારતીય બનાવટનો વિદેશીદારૂનો જથ્થો મંગાવીને પોતાના માણસો મારફતે ફોરવ્હીલર વાહનોમા મોજે નંદાવ ગામની સીમમા આવેલ પી.પી.સવાણી ટેકનીકલ ઇન્સ્ટીટ્યુડ થી નંદાવ ગામ તરફ જતા કાચા રસ્તાની બાજુમા આવેલ ખુલ્લા ખેતર ખાતે કાર્ટીંગ કરનાર છે અને આ જથ્થો નંદાવ ગામ ખાતે રહેતી દિવાળીબેન બાલુભાઇ વસાવા તથા અર્જુનભાઇ અરવીદભાઇ વસાવા અને અંકલેશ્વર ખાતે રહેતો નેવીલ મોદીને આપવાનો છે.
જેથી કોસંબા પોલીસે સતર્કતા સાથે બાતમી મળેલ જગ્યાએ પહોંચી જઈને બુટલેગરો ઇંગ્લિશ દારૂની કાર્ટિંગ કરતા દરમ્યાનજ આરોપીને દબોચી લીધો હતો. કોસંબા પોલીસે શિવકુમાર યાદવ નામના શખ્સની ધરપકડ કરી હતી. તો બીજીતરફ અન્ય ઈસમો અંધારાનો લાભ લઈ નાસી છૂટ્યા હતા. પોલીસના દરોડામાં ઇંગ્લિશ દારૂની હેરફેર કરવા ઉપયોગમાં લેવાયેલી એસેન્ટ કાર કબ્જે કરી હતી. પોલીસ દ્વારા કરવામાં આવેલી રેડ દરમ્યાન ઇંગલિશ દારૂની અલગ અલગ બ્રાન્ડની કુલ 55 પેટીઓ હાથ લાગી હતી. જેની કુલ કિંમત 4,49,400 રૂપિયા ગણવામાં આવી હતી.આ સમગ્ર ઘટનામાં પોલીસે ઇંગ્લિશ દારૂ, એક એસેન્ટ કાર, એક આરોપી સહીત કુલ 12 લાખથી વધુનો મુદ્દામાલ કબ્જે કરી ખુબજ પ્રસંશનીય કામગીરી કરી હતી. તો બીજીતરફ પોલીસની રેડ દરમ્યાન ફરાર થઈ જનાર 9 લોકોને વોન્ટેડ જાહેર કરી તેમની ધરપકડ કરવા ચક્રો ગતિમાન કર્યા હતા.
