Total Users : 13130
Total views : 15369
Who's Online : 2
રીતેશ પરમાર (ક્રાઈમ રીપોર્ટર )
આજકાલ અકસ્માતની ઘટનાઓ દિવસેને દિવસે વધી રહી છે અત્યાર સુધીમાં એક જણાની બેદરકારીના કારણે ઘણા નિર્દોષ લોકો અકસ્માતમાં પોતાના જીવ ગુમાવ્યા છે. તમે સોશિયલ મીડિયામાં ઘણા અકસ્માત ના વિડીયો પણ જોયા હશે. ત્યારે તમિલનાડુના એક અકસ્માતની ઘટનાઓ વીડિયો સામે આવ્યો છે.
મળતી માહિતી અનુસાર આ અકસ્માત તમિલનાડુના તેનકાસી જિલ્લામાં થયો છે.
અને અકસ્માત સીસીટીવી ફૂટેજ પણ સામે આવ્યા છે. મળતી માહિતી અનુસાર અહીં એક મહિલા દીકરીના લગ્નની ખરીદી કરીને ઘરે પરત ફરતી વખતે મહિલા ચાલતી બસમાંથી નીચે પડી ગઈ હતી.
અને આ સમગ્ર ઘટના બસમાં લાગેલા સીસીટીવી કેમેરામાં કેદ થઈ ગઈ હતી. સીસીટીવી ફૂટેજ તમે જોઈ શકો છો કે મહિલા સ્ટેશન નજીક આવતા પોતાની સીટ પરથી ઊભી થાય છે ત્યારે અચાનક જ મહિલા પોતાનું બેલેન્સ ગુમાવે છે.
અને બસના ખુલ્લા દરવાજામાંથી નીચે પડી જાય છે. આ ઉપરાંત બસની બહાર લાગેલા સીસીટીવી ફુટેજમાં તમે પણ જોઈ શકો છો કેવી રીતે ચાલતી બસમાંથી નીચે પડે છે. આ ઘટના બનતા બસ ચાલક બસ રોકી દે છે અને બસમાં સવાર મુસાફરો નીચે ઉતરીને મહિલા પાસે પહોંચે છે.
ચાલતી બસમાંથી નીચે પડવાના કારણે મહિલા બેભાન થઈ જાય છે. ત્યાર બાદ મહિલાને સારવાર માટે તાત્કાલીક હોસ્પિટલમાં ખસેડવામાં આવે છે પરંતુ હોસ્પિટલમાં ટૂંકી સારવાર દરમિયાન મહિલાનું મૃત્યુ થાય છે.
મળતી માહિતી અનુસાર મહિલાનું નામ મહેશ્વરી છે. મહિલા પોતાની દીકરીના લગ્ન હોવાના કારણે ખરીદી કરીને ઘર તરફ પરત ફરી રહી હતી ત્યારે આ સમગ્ર ઘટના બની હતી. દીકરીના લગ્ન પહેલા જ માતાનું મૃત્યુ હતું.
