Total Users : 9747
Total views : 11410
Who's Online : 0
કોઈ રહેણાંક વિસ્તારમાં આરોપીને પકડવા જતી વખતે પોલીસને અનેક પડકારો નડતા હોય છે. આવી જ કંઈક ઘટના જસદણના ગઢડીયા ગામે બની હતી. અત્રે એક આરોપીએ દારૂ પીતો હોય તેવો વિડીયો વાઈરલ કરેલો જેથી પોલીસે તેની ઓળખ કરી તેના ઘરે પહોંચતા ઘરનો દરવાજો બંધ કરી આરોપી અને તેની પત્નીએ પોતાને ઘરમાં બંધ કરી દીધા હતા જેમાં પત્નીએ ઝેરી પાઉડર પી લેતા સારવારમાં ખસેડાઈ હતી.
પોલીસ સૂત્રોના જણાવ્યા મુજબ આરોપી હરેશ કાગડીયા નામના શખ્સની શોધખોળમાં પોલીસ ગઢડીયા પહોંચી હતી. સાંજના સમયે પોલીસે આરોપીનું ઘર શોધી લીધુ હતું. જો કે, પોલીસ આવ્યાની ગંધ આવી જતા આરોપીએ ઘરના દરવાજા બંધ કરી દીધા હતા. ઘરમાં તે તેની પત્ની વિલાસ હરેશ કાગડીયા (ઉ.વ.25) સાથે હતો. આ દરમિયાન પોલીસે દરવાજો ખોલાવવા ઘણા પ્રયત્ન કર્યા પણ આરોપીએ દરવાજો ખોલ્યો નહોતો, ત્યારે જ આરોપીની પત્નીએ ઘઉંમાં નાખવાનો પાઉડર ગટગટાવી લેતા આરોપીએ દરવાજો ખોલ્યો હતો. પોલીસે આરોપી હરેશની અટકાયત કરી તેની પત્ની વિલાસને રાજકોટ સિવિલ હોસ્પીટલમાં ખસેડી સારવાર કરાવી હતી.
