Total Users : 3001
Total views : 3678
Who's Online : 0
રાજકોટ જિલ્લાના વીંછીયાના હિંગોળગઢ ગામે આવેલી વીડીમાં આજે બપોરે 3 વાગ્યાની આસપાસ બે અજાણ્યા પ્રેમી-પંખીડાએ ગળે ફાંસો ખાઈને જીવન ટૂંકાવ્યું હોવાનો બનાવ સામે આવ્યો છે. હાલ તો પોલીસે બન્ને યુવક-યુવતીના મૃતદેહને કબજે કરીને આગળની તપાસ હાથ ધરી છે. આ અંગે પ્રાપ્ત વિગતો મુજબ, હિંડોળગઢ ગામની વીડીમાં ઝાડ સાથે દોરડા વડે ગળે ફાંસો ખાધેલી હાલતમાં યુવક-યુવતીની લાશ મળી આવી હતી.
આ બાબતની જાણ થતાં આસપાસના લોકો તેમજ વીંછીયા પોલીસનો કાફલો ઘટના સ્થળે દોડી આવ્યો હતો.
પ્રાથમિક તપાસમાં યુવક-યુવતીની ઉંમર આશરે 20 થી 22 વર્ષની આસપાસ હોવાનું તેમજ તે પ્રેમી-પંખીડા હોવાનું અનુમાન લગાવવામાં આવી રહ્યું છે. તેમજ પ્રેમ પ્રકરણના કારણે આપઘાત કર્યો હોવાનું જાણવા મળી રહ્યું છે. હાલ તો વીંછીયા પોલીસે બન્ને મૃતદેહોને પોસ્ટ મોર્ટમ માટે મોકલીને આગળની તપાસ હાથ ધરી છે.
