Total Users : 13340
Total views : 15619
Who's Online : 1
રાજકોટ નજીક શાપર વેરાવળ ખાતે રહેતાં શ્રમિક પરિવારની સગીરાને પરપ્રાંતિય શખ્સે ધાક ધમકી આપી તેના પર અનેક વખત દુષ્કર્મ આચર્યાની પરિવારજનોને જાણ થતાં પોલીસમાં ફરિયાદ કરવા ગયા હતાં. પણ પરિવારને પોલીસ સ્ટેશનમાં નગ્ન કરી ઢોર મારમારી બળજબરીથી સમાધાનના કાગળો પર સહી કરાવી લીધી હતી. આ ઘટનાની હાઈકોર્ટમાં રીટ દાખલ કરતાં હાઈકોર્ટે ગુજરાત સરકાર અને રાજકોટ જિલ્લા પોલીસ વડા સહિતના અધિકારીઓને નોટિસ ફટકારી 15મીએ હાજર રહેવા હુકમ કર્યો છે.
શાપર-વેરાવળ પોલીસ મથકમાંથી ન્યાય નહીં મળતાં બીજા દિવસે પરિવારજનો રેસકોર્ષ પાસે આવેલ જિલ્લા પોલીસ વડાની કચેરીએ પોલીસ વડાને રજૂઆત કરવા માટે પહોંચ્યા હતાં. પરંતુ ત્યાં પણ પોલીસ અધિકારીઓ અને કર્મચારીઓનો ભોગ બનનાર બાળા અને તેના પરિવારજનોને કડવો અનુભવ થયો હતો.
આ ઘટના સંદર્ભે ભોગ બનનાર બાળાના પરિવારજનો દ્વારા એન.જી.ઓ.મારફતે ન્યાય મેળવવા હાઈકોર્ટના દ્વાર ખખડાવી તમામ પુરાવા સાથે હાઈકોર્ટમાં રીટ દાખલ કરતાં હાઈકોર્ટે ગુજરાત રાજ્ય સરકાર અને રાજકોટ જિલ્લાના પોલીસ વડા જયપાલસિંહ રાઠોડ સહિતના અધિકારીઓને નોટિસ ઈસ્યુ કરી 15મી માર્ચે હાઈકોર્ટમાં હાજર રહેવા આદેશ કરતાં ખળભળાટ મચી જવા પામ્યો છે.
