Total Users : 9762
Total views : 11426
Who's Online : 2
રીતેશ પરમાર (ક્રાઈમ રીપોર્ટર )
અમરેલી: અમરેલીના મોંઘીબા કોલેજના વિદ્યાર્થીઓ અને અખિલ ભારતીય વિદ્યાર્થી પરિષદ (ABVP) દ્વારા કોલેજને તાળાબંધી કરવાની ઘટના સામે આવી છે.
કોલેજના સમય બાબતે વિદ્યાર્થીઓમાં રોષ જોવા મળી રહ્યો હતો, જે અંગે વિદ્યાર્થીઓએ અનેક વખત રજૂઆત કરી હતી. પરંતુ કોલેજના સમયમાં ફેરફાર ન કરાતા વિદ્યાર્થીઓએ આજ રોજ ભારે વિરોધ કર્યો હતો.
વિદ્યાર્થીઓની સાથે અખિલ ભારતીય વિદ્યાર્થી પરિષદ(ABVP) પણ વિરોધ પ્રદર્શનમાં જોડાયું હતું અને કોલેજના ટ્રસ્ટી મંડળ સામે રોષ વ્યક્ત કર્યો હતો.
આ મામલે અખિલ ભારતીય વિદ્યાર્થી પરિષદે પણ વિદ્યાર્થીઓની માંગણીઓને લઈને પોતાનો આક્રોશ વ્યક્ત કર્યો હતો. એમની દલીલ હતી કે ABVP અમરેલી દ્વારા શનિવાર સુધીનો સમય આપવામાં આવ્યો હતો, તેમ છતાં ટ્રસ્ટી મંડળ દ્વારા આ તેમની આ બાબતને ગંભીરતાથી લેવામાં આવી ન હતી.
વધુમાં abvp અમરેલીનાં કાર્યકર્તાઓ દ્વારા વિરોધ પ્રદર્શન કરી કોલેજને તાળાબંધી કરવામાં આવી હતી. તેમજ આ મામલે જો યોગ્ય નિર્ણય નહિ લેવાય તો તેઓએ આવતી કાલથી ABVP કોલેજ ખાતે ઉપવાસ આંદોલન પર ઉતરવાની ચીમકી ઉચ્ચારી હતી.
