Total Users : 13078
Total views : 15315
Who's Online : 0
હાલ દીવસે ને દીવસે આત્મહત્યાના બનાવોમાં વઘારો થાય છે ત્યારે વધું એક ચોંકાવનારો કિસ્સો અમદાવાદમાંથી સામે આવ્યો છે.અમદાવાદના CTM ઓવરબ્રિજ પરથી યુવતીએ બપોરના સુમારે એકા એક છલાંગ લગાવી દીધી હતી. અગમ્ય કારણોસર છલાંગ લગાવી આત્મહત્યા કરવાની કોશિશ કરી હોય તેવું અનુમાન લગાવામાં આવ્યું છે.આ ઘટનાથી સમગ્ર વિસ્તારમાં ચકચાર મચી ગયો છે.યુવતીએ છલાંગ લગાવતા યુવતી નીચે પટકાઈ હતી. આ દરમિયાન આસપાસના લોકો ભેગા થઈ ગયાં હતાં. લોકોએ યુવતીને બચાવી હતી. ત્યાર બાદ મણિનગરની એલજી હોસ્પિટલમાં સારવાર અર્થે ખસેડાઈ હતી.
મળતી માહિતી અનુસાર બપોરના સમયે 108 એમ્બ્યુલન્સને જાણ થઈ હતી કે, કોઈ યુવતીએ સીટીએમ ઓવરબ્રિજ પરથી નીચે કૂદકો મારીને આત્મહત્યાનો પ્રયાસ કર્યો છે. જેથી 108ની ટીમ તાત્કાલિક ઘટના સ્થળે પહોંચી ગઈ હતી. ત્યારે યુવતીના માથાના ભાગે ગંભીર ઇજા થઈ હતી. જ્યારે એના બંને પગે ખૂબ ગંભીર ઇજા થતાં તેને સ્ટ્રેચરમાં મૂકવામાં આવી હતી. જોકે, તેની સ્થિતિ નાજુક લાગતા તેને તાત્કાલિક સારવાર કરી એલજી હોસ્પિટલ ખસેડવામાં આવી છે. ત્યારે હાલ યુવતિ હોસ્પિટલમાં સારવાર હેઠળ છે. યુવતિએ ક્યાં કારણોસર આવું પગલું ભર્યું તેનું કારણ અકબધ છે. પોલીસ દ્વારા હોસ્પિટલ જઈ કયા કારણથી યુવતિએ આવું પગલું ભર્યું તે જાણવા પ્રયત્ન કરી રહી છે.
