અમદાવાદ શહેરમાં PCB પોલીસ ટીમની વધુ એક સફળતા મળી,
6 ગુનાના ભેદ ઉકેલ્યા, કાર સાયલેન્સરની ચોરી કરનાર યુવકને ઝડપી પાડી પ્રસંશનીય કામગીરી કરી

અમદાવાદ શહેર પોલીસ વિભાગની પીસીબીએ ઇકો કારના સાયલેન્સરની ચોરી કરતી ગેંગના એક મુખ્ય સાગરિતને ઝડપીને સાયલેન્સરની ચોરીના છ ગુનાના ભેદ ઉકેલ્યા છે. બાપુનગરમાં રહેતા યુવકે અમદાવાદ સહિત અન્ય શહેરોમાં પણ ગુના આચર્યા હતા. સાયલેન્સરની ચોરી કર્યા બાદ તેમાં રહેલી વિશેષ ઘાતુને તે સોનીને વેચાણ કરતા હતા. જેનો ઉપયોગ સફેદ સોનાના દાગીના બનાવવામાં થતો હતો.

આ અંગે પોલીસે વધુ તપાસ હાથ ધરી છે.અમદાવાદ પીસીબીના સ્ટાફના પીઆઇ તરલ.આર. ભટ્ટને બાતમી મળી હતી કે સાણંદમાં કારના સાયલેન્સરની ચોરીના ગુનામાં સંડોવાયેલો એક આરોપી અમદાવાદના બાપુનગર વિસ્તારમાં છે. જેના આધારે સાજીદ ઇબ્રાહિમ મલેક (રહે. રહેમતનગર, ઓઢવ રોડ, બાપુનગર)ને ઝડપી લેવામાં આવ્યો હતો. તેની પ્રાથમિક પુછપરછમાં જાણવા મળ્યું હતું કે સાજીદે તેના સાગરિતો સાથે મળીને હિંમતનગર, અસલાલી અને કઠલાલમાં ઇકો કારની ચોરીના છ સાયલેન્સરની ચોરી કરી હતી. જે સાયલેન્સરમાંથી ચોક્કસ ધાતુ કાઢીને જ્વેલર્સને વેચાણ કરતા હતા અને સોની આ ધાતુનો ઉપયોગ સફેદ સોનાના દાગીના બનાવવામાં કરવામાં આવતા હતા. સાજીદ સાથે જોડાયેલા અન્ય સાગરિતોની ધરપકડ બાદ કાર સાયલેન્સરની ચોરીના અન્ય ગુનાના ભેદ ઉકેલાવાની શક્યતા પોલીસે વ્યક્ત કરી છે.