Total Users : 9762
Total views : 11426
Who's Online : 2
રીતેશ પરમાર ( ક્રાઈમ રીપોર્ટર )
અમદાવાદ શહેરથી એક વિચિત્ર ઘટના સામે આવી છે. અમદાવાદમાં એક રોમિયો દ્વારા એક યુવતીના ઘરમાં આંતક મચાવ્યો હતો. આ રોમિયો એક યુવતીના ઘરમાં ઘૂસીને યુવતી સામે જ નિવસ્ત્ર થઈ ગયો અને અશ્લીલ હરકત કરવા લાગ્યો હોવાની ઘટના સામે આવી છે. તેની સાથે તેને યુવતીને જાનથી મારી નાખવાની ધમકી પણ આપી દીધી હતી. અમદાવાદ શહેરના મેઘાણીનગર વિસ્તારમાં આ ઘટના બની હોવાનું સામે આવ્યું છે.
જેમાં એક રોમિયો યુવતી સામે સંપૂર્ણ નિવસ્ત્ર થવાના કારણે યુવક સામે પોલીસ ફરિયાદ દાખલ કરવામાં આવી છે.
પોલીસમાં ફરિયાદ દાખલ કરવામાં આવેલ અરજી મુજબ મેઘાણીનગમાં વિસ્તારમાં રહેનાર એસ વાય બી કોમમાં અભ્યાસ કરનાર યુવતી દ્વારા મેઘાણીનગર પોલીસ સ્ટેશનમાં બોબી રસિકભાઇ નાડિયા નામના વ્યક્તિ સામે ફરિયાદ દાખલ કરાવવામાં આવી છે. ફરિયાદ મુજબ, યુવતી ઘરની બહાર જઈ રહી હતી ત્યારે આ યુવક તેનો પીછો કરીને તેને કહી રહ્યો હતો કે, તું મારી સાથ વાત કરી મને તું બહું ગમે છે. તે રીતે સતત યુવતીને છેડતી કરતો રહેતો હતો અને ગાળો બોલીને હેરાન પણ કરતો હતો.
એવામાં 2 માર્ચના રોજ સવારના યુવતી તથા તેમની ઘરમાં રહેલા હતા તે દરમિયાન આ આરોપી ઘરમાં પહોંચી આવ્યો અને બુમો પાડવામાં લાગ્યો હતો. જેના લીધે યુવતી અને તેની માતા ભયભીત થઈ ગયા જેના લીધે તેમને ઘરને દરવાજો બંધ કરી દીધો હતો. ત્યાર બાદ ઘરનો દરવાજો ખોલવામાં ન આવતા યુવક માતા-પુત્રીને ગંદી-ગંદી ગાળો બોલવા લાગ્યો હતો. તેના લીધે ભયભીત થઈને યુવતી અને તેની માતાએ ઘરનો દરવાજો બંધ કરી દીધો હતો.
ત્યાર બાદ યુવતીએ ઘરની બારી ખોલીને યુવકનો વિડીયો ઉતારવા શરૂ કર્યું તો યુવક યુવતી સામે જ કપડા કાઢીને સંપૂર્ણ નગ્ન થઈ ગયો અને તેની સામે અશ્લીલ હરકત કરવા લાગ્યો હતો. તેની સાથે તે યુવતીને મારી નાખવાની ધમકી પણ આપતો જોવા મળ્યો હતો. આ સિવાય યુવક યુવતીના ઘરમાં તોડફોડ કરી ચાલ્યો ગયો હતો. જેના લીધે યુવતી દ્વારા મેઘાણીનગર પોલીસ સ્ટેશનમાં આ મામલામાં ફરિયાદ દાખલ કરવામાં આવી હતી. જ્યારે પોલીસ દ્વારા અત્યારે આ બાબતમાં ગુનો નોંધીને આરોપીની શોધખોળ શરૂ કરી દીધી છે.
