આ ટેણીયાએ તો કમાલ કરી ભાઈ, મોટા મોટા એન્જીનીયરો ગોથા ખાય જશે! લાકડાથી બનાવી નાખ્યું JCB મશીન, વિડીયો જોનાર થયાં આકર્ષિત

જો કોઈ વ્યક્તિમાં કંઈક કરવાનો જુસ્સો હોય, તો તેને તકો મળી જ રહે છે, જેના કારણે તે એવા કાર્યો કરી શકે છે જે કદાચ અમીર લોકો પણ કરી શકતા નથી.આ દિવસોમાં એક યુવકનો એક વીડિયો વાયરલ(Viral video) થઈ રહ્યો છે, જે આ જ વાતને સાચી સાબિત કરી રહ્યો છે. આ વીડિયોમાં એક યુવકે માત્ર લાકડાનો ઉપયોગ કરીને JCB જેવું મશીન બનાવ્યું અને તેનાથી તેણે જમીન ખોદવાનું શરૂ કર્યું.

અદ્ભુત આવિષ્કારોને લગતા વિડિયોઝ ટ્વીટર એકાઉન્ટ ‘એન્જિનિયરિંગ ઈન્વેંશન્સ’ પર વારંવાર પોસ્ટ કરવામાં આવે છે. હાલમાં જ આ એકાઉન્ટ પર એક વીડિયો શેર કરવામાં આવ્યો છે, જેને લોકો ખૂબ પસંદ કરી રહ્યા છે. વીડિયોમાં એક યુવક લાકડામાંથી બનેલું મશીન ચલાવતો જોવા મળે છે. આવિષ્કાર કરવા માટે એ જરૂરી નથી કે વ્યક્તિએ ઓક્સફર્ડ જેવી કોલેજમાંથી અભ્યાસ કર્યો હોય. આ વીડિયોમાં દેખાતો યુવક, જે અદ્ભુત મશીન ચલાવતો જોવા મળી રહ્યો છે, તે આ વાત સાબિત કરે છે.

લાકડાનું બનેલું JCB જેવું મશીન:
વીડિયોમાં દેખાતો યુવક આફ્રિકન લાગે છે. તે લાકડામાંથી બનેલા મશીન પર બેઠો છે જે જેસીબીના ‘બેકહો લોડર મશીન’ મશીન જેવું જ દેખાય છે. તેમાં વધુ ખોદવા માટે એક ગોળ ચીલ છે. જ્યારે તેને અનેક નાના-મોટા લાકડાઓથી બાંધવામાં આવે છે. એટલું જ નહીં, તેમાં બે હેન્ડલ પણ છે, જે હાથ વડે હલાવવાથી મશીનનો આગળનો ભાગ પણ ખસી જાય છે.

આ વીડિયો પર લોકોએ પ્રતિક્રિયા આપી:
આ વીડિયોને 12 લાખથી વધુ વ્યૂઝ મળ્યા છે, જ્યારે ઘણા લોકોએ કોમેન્ટ કરીને પોતાનો પ્રતિભાવ આપ્યો છે. ઘણા લોકોએ આ યુવકના વખાણ કર્યા અને કહ્યું કે આ એન્જિનિયરિંગનું અદ્ભુત ઉદાહરણ છે. એકે કહ્યું કે આ હોનહાર યુવાનનું શિક્ષણ સ્પોન્સર કરવું જોઈએ અને તેને મોટો એન્જિનિયર બનાવવો જોઈએ.