Total Users : 25
Total views : 93
Who's Online : 0
ક્રિકેટ ગ્રાઉન્ડમાં જામશે દર્શકોની ભીડ
સ્ટેડિયમ બહાર ચુસ્ત પોલીસ બંદોબસ્ત
લાખોની સંખ્યામાં આવશે દર્શકો
એશિયાના સૌથી મોટા ક્રિકેટ ગ્રાઉન્ડમાં આજે આઇપીએલની ફાઇનલ મેચ રમાવાની છે.
મોટેરાના નરેન્દ્ર મોદી સ્ટેડિયમમાં મેચ રમાવાની છે ક્રિકેટપ્રેમીઓનો ઉત્સાહ તો કંઇક અલગ લેવલ પર જ છે.
વળી 4 વર્ષ બાદ આજે આઇપીએલની ક્લોઝિંગ સેરેમની યોજાવાની છે ત્યારે અનેક જાણીતા કલાકારો અને ક્રિકેટર્સ હાજરી આપશે. જેને લઇને અત્યારથી જ સ્ટેડિયમની ફરતે ચાંપતો બંદોબસ્ત તૈનાત કરવામાં આવ્યો છે.
મેચને લઇને પોલીસનો ચાંપતો બંદોબસ્ત
અમદાવાદમાં ગુજરાત ટાઇટન્સ-રાજસ્થાન રોયલ વચ્ચે આઇપીએલની ફાઇનલ મેચનો મુકાબલો થશે. ત્યારે ટિકિટને લઇને હજી પણ સ્ટેડિયમ બહાર લોકોની ધસારો જોવા મળી રહ્યો છે. ટિકિટ માટે ઓનલાઇનની સુવિધા હોવા છતાં ક્રિકેટપ્રેમીઓ એ સ્ટેડિયમ બહાર લાઇનો લગાવી દીધી છે. તો બીજી તરફ સુરક્ષાને ધ્યાને રાખીને 5 હજાર જવાનો તૈનાત કરાયા છે. તેમજ ટ્રાફિક વ્યવસ્થા જળવાઇ રહે તે માટે 5 DCP, 7 ACP, 10 PI, 15 PSI તૈનાત કરવામાં આવ્યા છે.
રણવીર સિંહ, AR રહેમાન આપશે પરફોર્મન્સ
મહત્વનું છે કે ગુજરાત-રાજસ્થાન વચ્ચે થશે ખિતાબી જંગ ખેલાશે. 64 દિવસ બાદ IPLની વિજેતા ટીમ નક્કી થશે. જેને લઇને અમદાવાદમાં ક્રિકેટ કાર્નિવલનો માહોલ જોવા મળી રહ્યો છે. ક્રિકેટ રસિકોમાં ગજબનો ઉત્સાહ જોવા મળી રહ્યો છે. 3 વાગ્યે પ્રેક્ષકોને સ્ટેડિયમમાં એન્ટ્રી આપવામાં આવશે. ફાઇનલ મેચ પહેલા મોદી સ્ટેડિયમમાં ભવ્ય ક્લોઝિંગ સેરેમનીનું આયોજન કરવામાં આવ્યું છે. જેમાં રણવીર સિંહ, AR રહેમાન પરફોર્મન્સ આપશે. આ ઉપરાંત ક્રિકેટ જગતની હસ્તીઓ- ICCના અધિકારીઓ તથા નેતા, અભિનેતા, ક્રિક્રેટર્સ સહિત VVIP હાજર રહેશે.
અમિત શાહ IPLની ફાઈનલ મેચ નિહાળશે
કેન્દ્રીય ગૃહ મંત્રી અમિત શાહ અમદાવાદમાં નરેન્દ્ર મોદી સ્ટેડિયમમાં IPLની ફાઈનલ મેચ પણ નિહાળશે.જેમાં ગુજરાત ટાઈટન્સ અને રાજસ્થાન રોયલ્સની ટીમ વચ્ચે રોમાંચક મુકાબલો થશે. આ તકે અમિત શાહ સાથે પ્રદેશ કક્ષાના આગેવાનો પણ મેચમાં હાજરી આપશે.
