Total Users : 25
Total views : 93
Who's Online : 0
રીતેશ પરમાર (ક્રાઈમ રીપોર્ટર )
અમદાવાદઃ ગુજરાતમાં મહિલાઓ અને બાળકીઓ સાથે દુષ્કર્મ અને છેડતીની ઘટનાઓ રોજે રોજ બનતી રહે છે. ત્યારે અમદાવાદમાં ભાડા પેટે રહેતા અનેક પરિવારો માટે ચેતવણીરૂપ કિસ્સો બન્યો હતો. શહેરના અસલાલી વિસ્તારમાં ભાડાના મકાનમાં રહેતા એક પરિવાર ઉપર આભ તૂટી પડ્યું હતું. જ્યારે મકાન માલિકના દીકરાએ પોતાની 13 વર્ષની માસૂમ દીકરી ઉપર દુષ્કર્મ ગુજાર્યું હતું.
જોકે, પરિવારે આ મામલે અસલાલી પોલીસ સ્ટેશનમાં ફરિયાદ નોંધાવતા પોલીસે આગળની કાર્યવાહી હાથધરી છે.
ભાડુઆતો માટે ચેતવણીરૂપ ઘટના અંગે વાત કરીએ તો અમદાવાદ શહેરના અસલાલીમાં રહેતો શ્રમિક દંપતીને ત્રણ સંતાનો છે અને તે મજૂરી કામ કરીને પરિવારનું ગુજરાન ચલાવે છે. શુક્રવારના રોજ દંપતી મજૂરી કામે ગયા હતા જ્યારે તેમના બે દીકરા સ્કૂલે ભણવા માટે ગયા હતા. જોકે તેમની 13 વર્ષની દીકરીને તાવ આવતો હોવાથી ઘરે આરામ કરી રહી હતી.
આ સમયે તેમની બાજુમાં જ રહેતા મકાન માલિકના દીકરાએ ફોન ચાર્જિંગમાં મૂકવાનું બહાનું બનાવીને ઘરમાં આવ્યો અને એકલતાનો લાભ લઈને સગીરા સાથે દુષ્કર્મ આચર્યું હતું. આરોપીઓ અંદરથી મકાન બંધ કરીને સગીરાના હાથ-પગ બાંધી દીધા હતા. જોકે સગીરા બચવા માટે બુમાબુમ કરતી રહી, પરંતુ કોઈ તેની મદદે આવ્યું નહોતું.
જ્યારે તેનો ભાઈ બપોરના સમયે પાછો આવ્યો ત્યારે તેણે દરવાજો ખકડાવતા આરોપી દરવાજો ખોલીને ફરાર થઈ ગયો હતો. જે બાદ બહેનની સ્થિતિ જોઈને તેણે માતા-પિતાને ફોન કર્યો હતો. આ સમગ્ર મામલે પીડિતાના માતા-પિતાએ આરોપી વિરુદ્ધ ગુનો નોંધાવતા પોલીસે તપાસ હાથ ધરી છે.
