Total Users : 14518
Total views : 17014
Who's Online : 0
અહેવાલ-રીતેશ પરમાર(સિનિયર જર્નાલિસ્ટ)
(નોંધ: આ સનસનાટીભર્યા ઓપરેશનના હૃદયધબકારા વધારી દેતા એક્સક્લુઝિવ વિડીયો અને તસવીરો સ્ટોરીના અંતે જોડવામાં આવ્યા છે)
અમદાવાદ:
સોશિયલ મીડિયા પર જ્યારે એ કાળજું કંપાવી દેનારો વિડીયો વાયરલ થયો, ત્યારે આખો દેશ સ્તબ્ધ થઈ ગયો હતો. વિડીયોમાં સ્પષ્ટ દેખાતું હતું કે કેવી રીતે જમીન વિવાદના વેરની આગમાં અંધાધૂંધ ગોળીબાર કરીને, દયાની એક ભીખ પણ માગવા દીધા વગર, ૩ મહિલાઓ અને ૩ પુરુષો સહિત એક જ પરિવારના ૬ નિર્દોષ લોકોને મોતને ઘાટ ઉતારી દેવાયા. મધ્ય પ્રદેશના મુરેના જિલ્લાના લેપા ગામનો આ લોહીયાળ નરસંહાર સદીનો સૌથી ક્રૂર ગુનો બની ચૂક્યો હતો. આ ભયાનક હત્યાકાંડનો મુખ્ય આરોપી અને ₹૩૦,૦૦૦નો ઇનામી શાર્પશૂટર રામુસિંહ તોમર (ઉંમર ૩૭) પોલીસ માટે એક એવો પડકાર બની ગયો હતો જેને પકડવો અશક્ય લાગતો હતો.
જુઓ કુખ્યાત આરોપી દ્વારા ૬ લોકોની ગોળી મારી નિર્મમ હત્યાં નીપજાવતો વિડીયો…
પરંતુ જ્યારે મામલો અમદાવાદ ક્રાઈમ બ્રાન્ચ પાસે આવ્યો, ત્યારે આ અશક્ય ઓપરેશન એક હાઈ-વોલ્ટેજ થ્રિલર ક્લાઈમેક્સમાં ફેરવાઈ ગયું!
🎯 ક્રાઈમ બ્રાન્ચના ઉચ્ચ અધિકારીઓનો માસ્ટર પ્લાન
પરંતુ, ગુનાખોરીના નેટવર્કને નેસ્તનાબૂદ કરવામાં માહેર અમદાવાદ ક્રાઈમ બ્રાન્ચના બાતમીદારો અને ટેકનિકલ સર્વેલન્સની ટીમે આ શાતીર હત્યારાનું ચોક્કસ લોકેશન શોધી કાઢ્યું. જેવી જ ઉચ્ચ અધિકારીઓને માહિતી મળી કે ૬ લાશો ઢાળનારો આ ખતરનાક શખ્સ ગુરુગ્રામમાં છુપાયો છે, તુરંત જ ક્રાઈમ બ્રાન્ચના સિનિયર અધિકારીઓએ પોતાના વર્ષોના અનુભવનો નીચોડ લગાવીને એક ફૂલપ્રૂફ માસ્ટર પ્લાન તૈયાર કર્યો. આ ઓપરેશન હરિયાણા જેવા અજાણ્યા અને પડકારજનક વિસ્તારમાં કરવાનું હોવાથી જોખમ ઘણું મોટું હતું.
ક્રાઈમ બ્રાન્ચના ઉચ્ચ-અધિકારીઓએ તુરંત જ ક્રાઈમ બ્રાન્ચના જાંબાઝ અને નીડર પોલીસ અધિકારીઓ તથા જવાનોની એક સ્પેશિયલ ટીમ તૈયાર કરીને હત્યારાને આકાશ પાતાળ માંથી પણ શોધી કાઢી દબોચી લાવવા હરિયાણા ટીમ મોકલી. બીજીતરફ પોતાના જીવની પરવા કર્યા વગર, મોતના ડરને બાજુ પર મૂકીને આ બહાદુર ટીમ તાબડતોબ હરિયાણા જવા રવાના થઈ.
🎭 ગુરુગ્રામના ખેતરો અને ગલીઓમાં હરિયાણવી વેશપલટો: ક્રાઈમ બ્રાન્ચનો માસ્ટર સ્ટ્રોક
જુઓ વિડીયો…
આરોપી રામુસિંહ હરિયાણાના ગુરુગ્રામની ગોપાલપુરા GIDC નજીક સંતાયો હોવાની ચોક્કસ ટેકનિકલ બાતમી મળતા જ ક્રાઈમ બ્રાન્ચના ઉચ્ચ અધિકારીઓએ પળવારનો પણ વિલંબ કર્યો નહીં. જોકે, પડકાર એ હતો કે હરિયાણાનો એ ચોક્કસ વિસ્તાર બહારના લોકો માટે ભારે જોખમી હતો. જરા પણ ગંધ આવે તો ૬ લાશો ઢાળનારો આ ખૂની ફરી હવામાં ઓગળી જાય તેમ હતો.
આ પડકારને ઝીલવા માટે ક્રાઈમ બ્રાન્ચના જાંબાઝ અધિકારીઓ અને જવાનોએ ફિલ્મોને પણ પાછળ છોડી દે તેવો વેશપલટો કર્યો!
ગુજરાતના આ બહાદુર પોલીસકર્મીઓએ ત્યાંના સ્થાનિક લોકો જેવા જ કપડાં પહેર્યા, તેમની બોલી અને લહેકો અપનાવ્યો. હરિયાણાની એ
ગલી-કૂચાઓમાં, અવાવરુ નાકાઓ પર, ધૂળિયા રસ્તાઓ અને કાંટાળા ખેતરોની વચ્ચે આખી ટીમ છૂપી રીતે ગોઠવાઈ ગઈ. કોઈ મજૂરના વેશમાં હતું તો કોઈ સામાન્ય વટેમાર્ગુ બનીને કલાકો સુધી નજર ટકાવીને બેઠું હતું. પોતાના પરિવાર અને જીવની પરવા કર્યા વગર આ ટીમે મોતના ડરને પોતાની બેખોફ ફરજનિષ્ઠાથી કચડી નાખ્યો હતો.
🔫 શ્વાસ રોકી દેતી એ અંતિમ ક્ષણો: બંદૂકની અણીએ શિકાર પાંજરે પૂરાયો!
જુઓ દિલધડક ઓપરેશનનો વિડીયો….
દિવસ-રાતની ભારે જહેમત અને જીવ સટોસટની બાજી લગાવ્યા બાદ એ ક્ષણ આવી જેની રાહ જોવાતી હતી. ગઢી-હરસરૂ રોડ પર શંકાસ્પદ હાલતમાં આરોપી રામુસિંહ તોમર જેવો જ પસાર થયો, વેશપલટો કરીને ખેતરો અને ગલીઓમાં છુપાયેલા સિંહો જેવા ક્રાઈમ બ્રાન્ચના જવાનો એકસાથે ત્રાટક્યા!
આરોપી પણ ખતરનાક હતો અને કદાચ હુમલો કરી શકે તેમ હતો, પરંતુ ક્રાઈમ બ્રાન્ચે તેને સંભાળવાની એક સેકન્ડ પણ ન આપી. સજ્જડ ઘેરાબંધી વચ્ચે સેકન્ડોના ભાગમાં જવાનોએ સીધી બંદૂકની અણીએ તેને દબોચી લીધો. હરિયાણાની ધરતી પર કાયદાનો સિંહ ગર્જ્યો હતો અને કાળજું કંપાવી દેનારો હત્યારો કંપતો કંપતો ઘૂંટણિયે આવી ગયો હતો.
📹 વિડીયો કેમેરામાં કેદ થયું અત્યાર સુધીનું સૌથી પરાક્રમી લાઈવ ઓપરેશન
વિડીયો….
જેવી રીતે આરોપીએ કરેલા નરસંહારના કંપાવી દેતા વિડીયોએ હડકંપ મચાવ્યો હતો, બરાબર તેના વળતા જવાબ તરીકે અમદાવાદ ક્રાઈમ બ્રાન્ચના બહાદુરોએ આ આખા ઓપરેશન અને તેની ધરપકડનો સનસનાટીભર્યો લાઈવ વિડીયો પણ કેદ કર્યો છે. વેશ બદલીને ગલીઓ અને ખેતરો ખૂંદતી ટીમની આ મહેનત અને પરાક્રમ જ્યારે કેમેરામાં કેદ થયું, ત્યારે તે ગુજરાત પોલીસના ઈતિહાસનું સૌથી રોમાંચક પ્રકરણ બની ગયું.
આ કિસ્સામાં અમદાવાદ ક્રાઈમ બ્રાન્ચની જેટલી પ્રશંસા કરીએ તેટલી ઓછી છે. અજાણ્યા રાજ્યમાં, સ્થાનિક વેશ ધારણ કરી, રાત-દિવસ એક કરીને ખતરનાક શાર્પશૂટરને તેના જ ગઢમાં જઈને ધૂળ ચટાડવી એ કોઈ સામાન્ય વાત નથી. ગુજરાત પોલીસના ગૌરવને દેશભરમાં સર્વોચ્ચ શિખરે પહોંચાડનારા આ બહાદુર પોલીસ અધિકારીઓ અને જવાનોના વખાણ આજે આખું ગુજરાત મુક્ત કંઠે કરી છે. સિંહોની આ ટીમને શત-શત નમન!
📸 EXCLUSIVE: ઓપરેશનના રિંગસાઇડ દ્રશ્યો (ફોટો અને વિડીયો)
(નીચે આપેલા વિઝ્યુઅલ્સમાં તમે ક્રાઈમ બ્રાન્ચની ટીમનો અદભુત વેશપલટો, હરિયાણાના ખેતરોમાં ગોઠવાયેલી વોચ અને આરોપીને બંદૂકની અણીએ દબોચવાની એ રોમાંચક ક્ષણો લાઈવ જોઈ શકો છો)
અમદાવાદ ક્રાઈમ બ્રાન્ચ દ્વારા જીવના જોખમે સફળ ઓપરેશન વેશ પલટો અને આરોપીને દબોચી નાખવાનો દિલધડક વિડીયો….
