Total Users : 14518
Total views : 17014
Who's Online : 0
અહેવાલ-રીતેશ પરમાર(સિનિયર જર્નાલિસ્ટ)
અમદાવાદ:
કાશ્મીરની વાદીઓમાંથી નીકળેલી નશાની એક મોટી ખેપ જ્યારે આર્થિક પાટનગર મુંબઈ તરફ આગળ વધી રહી હતી, ત્યારે દેશના ચાર મોટા રાજ્યોની પોલીસને કાનકાન ખબર નહોતી. પરંતુ ગુપ્તચરોની સચોટ બાતમી અને અમદાવાદ ક્રાઈમ બ્રાન્ચની ગણતરીની મિનિટોની સ્વિફ્ટ એક્શનના કારણે લાખો રૂપિયાના ડ્રગ્સ રેકેટના નેટવર્કનો કરુણ અંજામ આવ્યો છે. અમદાવાદ ક્રાઈમ બ્રાન્ચે નરોડા વિસ્તારમાં ફિલ્મી ઢબે ઓપરેશન પાર પાડીને ૧.૯૧૫ કિલોગ્રામ ચરસના કોમર્શિયલ જથ્થા સાથે એક વયોવૃદ્ધ દેખાતા શાતિર પેડલરને દબોચી લીધો છે. જપ્ત કરાયેલા ચરસની બજાર કિંમત રૂ. ૪,૭૮,૭૫૦/- આંકવામાં આવી છે.
એજ્ડ લુક, શાતિર દિમાગ: પોલીસને થાપ આપવાની ‘ગ્રાન્ડ માસ્ટર’ ટ્રીક
સામાન્ય રીતે ડ્રગ્સની હેરાફેરીમાં યુવાનોનો ઉપયોગ થતો હોય છે, પરંતુ આ રેકેટના અસલી માસ્ટરમાઇન્ડે પોલીસની નજરમાંથી બચવા માટે એક ‘ઉંમરલાયક’ પેડલરને મોહરો બનાવ્યો હતો. દેખાવમાં એક સામાન્ય મુસાફર લાગતો આ શખ્સ અંદરથી એટલો શાતિર હતો કે તે કોઈને શંકા ગયા વિના લાખો રૂપિયાનું ચરસ પોતાના સામાનમાં છુપાવીને ફરી રહ્યો હતો. જોકે, અમદાવાદ ક્રાઈમ બ્રાન્ચના બાજ નજરે આ વયોવૃદ્ધ પેડલરના ચહેરા પાછળ છુપાયેલા શાતિર ગુનેગારને ઓળખી કાઢ્યો હતો.
જમ્મુ ટુ મુંબઈ: ૪ રાજ્યો અને હજારો કિલોમીટરની ‘રોડ ટ્રીપ’
આ કોઈ નાનું-મોટું લોકલ નેટવર્ક નથી, પરંતુ મુંબઈથી સીધા જમ્મુ-કાશ્મીર સુધી ફેલાયેલું આંતરરાજ્ય ડ્રગ્સ સિન્ડિકેટ છે. આરોપીની પ્રાથમિક પૂછપરછમાં જે વિગતો સામે આવી છે તે ચોંકાવનારી છે:
૧. મુંબઈમાં બેઠેલા વૈભવ નામના કિંગપિને આ વયોવૃદ્ધ પેડલરને ખાસ ચરસનો જથ્થો લેવા જમ્મુ મોકલ્યો હતો.
૨. જમ્મુથી માલ ઉપાડીને પેડલરે કોઈ એક પ્રાઇવેટ લક્ઝરી બસ પકડવાને બદલે સતત ટ્રાવેલ્સ બદલવાનો પ્લાન બનાવ્યો.
૩. તે જમ્મુથી દિલ્હી, દિલ્હીથી જયપુર, અને જયપુરથી અમદાવાદ સુધી જુદી-જુદી બસોમાં સામાન્ય મુસાફરોની ભીડમાં ભળીને મુસાફરી કરી રહ્યો હતો જેથી કોઈ ચેકપોસ્ટ પર પકડાઈ ન જાય.
૪. અમદાવાદથી તે છેલ્લી બસ પકડી મુંબઈ પહોંચવાનો હતો, જ્યાં વૈભવને આ માલ ડિલિવર કરવાનો હતો.
ક્રાઈમ બ્રાન્ચનું સચોટ પ્લાનિંગ અને ‘ખેલ ખતમ’
જુઓ વિડીયો…
ભેજાબાજ ડ્રગ માફિયાઓએ હજારો કિલોમીટરનો આ રૂટ ખુબ જ હોશિયારીથી પ્લાન કર્યો હતો, પણ તેઓ અમદાવાદ ક્રાઈમ બ્રાન્ચના નેટવર્કને માત આપી શક્યા નહીં. ક્રાઈમ બ્રાન્ચના ઉચ્ચ અધિકારીઓને નરોડા વિસ્તારમાંથી આ ખેપ પસાર થવાની સચોટ અને પાકી બાતમી મળી હતી. બાતમી મળતા જ ક્રાઈમ બ્રાન્ચની ટીમે જાળ બિછાવી અને આરોપી અમદાવાદની ધરતી પર પગ મૂકે તે સાથે જ તેને કોર્ડન કરી લીધો. કાયદાના સકંજામાં આવતા જ આરોપીના હોશ ઉડી ગયા હતા. તેના સામાનની તલાશી લેતા જ તેમાંથી શુદ્ધ ચરસનો મોટો જથ્થો મળી આવ્યો હતો.
પ્રશંસનીય કામગીરી: ક્રાઈમ બ્રાન્ચે નશાના દૂષણને આપ્યો મોટો ઝાટકો
આ આખા ઓપરેશનને સફળ બનાવવામાં કમાન્ડિંગ ઓફિસર્સથી લઈને ગ્રાઉન્ડ લેવલ પર વોચ ગોઠવનાર કોન્સ્ટેબલ્સ સુધીના તમામ પોલીસ કર્મીઓની ભૂમિકા પ્રશંસનીય રહી છે. તેમની સમયસૂચકતા અને પ્રોફેશનલ એપ્રોચના કારણે ચાર રાજ્યોની પોલીસની આંખમાં ધૂળ નાખીને ભાગતો પેડલર આજે જેલના સળિયા પાછળ છે. હાલમાં ક્રાઈમ બ્રાન્ચે NDPS એક્ટ હેઠળ ગુનો નોંધી, આ ચરસનો જથ્થો સપ્લાય કરનાર જમ્મુના સોર્સ અને મુંબઈના મુખ્ય સૂત્રધાર વૈભવને પકડવા માટે ચક્રો ગતિમાન કર્યા છે.
