Total Users : 9765
Total views : 11429
Who's Online : 1
ગુજરાતમાં નવા ડીજીપી તરીકે હવે હાલ ઇન્ચાર્જ રહેલા વિકાસ સહાયનું નામ કન્ફર્મ થઇ ગયું છે તેવું સૂત્રો દ્વારા જાણવા મળી રહ્યું છે. અને આગામી એક કે બે દિવસમાં તેની સત્તાવાર રીતે જાહેરાત કરવામાં આવશે અને તે બાદ તુરતજ રાજયમાં ટોચના પોલીસ સ્થાનોમાં ફેરફારની પણ શકયતા છે. ખાસ કરીને વિકાસ સહાય ડીજીપી બનતા તેના સીનીયર અને હાલ અમદાવાદમાં પોલીસ કમિશનર તરીકે ફરજ બજાવતા સંજય શ્રીવાસ્તવને હવે વિકાસ સહાય હેઠળ કામ ન કરવું પડે તે જોવા માટે તેમને ફિલ્ડ ડયુટીમાંથી અલગ કરીને કોઇ અન્ય પોસ્ટ પર મુકવામાં આવે તેવી અટકળો લગાવવામાં આવી રહી છે.
જોકે અમદાવાદ શહેરના પોલીસ કમિશ્નર સંજય શ્રીવાસ્તવ હાલ નિવૃત થઇ રહ્યા છે તેમ છતાં વહીવટી રીતે કોઇ મુશ્કેલી ન સર્જાય તે માટે તેમને અમદાવાદના પોલીસ કમિશ્નર પદેથી મુકત કરાશે અને તેની સાથે અમદાવાદના નવા પોલીસ કમિશ્નરની નિયુકિત કરાશે તેવું અનુમાન સૂત્રો પાસેથી જાણવા મળી રહ્યું છે.જેમાં વડોદરા, સુરત સહિતના પોલીસ કમિશ્નરમાંથી કોઇને અમદાવાદમાં ડયુટી સોંપાશે કે કેમ તેના પર સૌની નજર છે અને તેની સાથે અનેક મહાનગરો અને જિલ્લાઓમાં પોલીસ વડાઓમાં ફેરફાર થઇ શકે છે.
રાજયમાં મુખ્ય સચિવ અને નવા પોલીસ વડા બંનેએ પોતાનો ચાર્જ સંભાળી લીધો છે અને તેથી હવે વહીવટી કક્ષાએ લાંબા સમયથી આઇએએસ અને આઇપીએસની બદલી માટે જે ચર્ચા હતા તે મુજબના ફેરફાર થાય છે કે કેમ તેના પર સૌની નજર છે.
