Total Users : 3000
Total views : 3677
Who's Online : 0
સુરતના લિંબાયત વિસ્તારમાં ચાલતા વરલી મટકાના જુગારધામ (Surat Worli Matka Gambling Den) પર સ્ટેટ મોનિટરિંગ સેલે દરોડો પાડ્યો હતો. અહીંથી વલણ ચૂકવનાર, રાઈટર તેમજ જુગાર રમવા આવેલા જુગારીઓ સહિત 27 લોકોની ધરપકડ કરવામાં આવી હતી. તેમજ વરલી મટકાનો જુગારધામ ચલાવનાર સહિત 4 લોકોને વોન્ટેડ જાહેર કરવામાં આવ્યા છે.સુરતના લિંબાયત રુસ્તમબાગ રોડ સ્થિત ખાનપુર વિસ્તારમાં વરલી મટકાનો જુગાર રમાડાતો હોવાની બાતમીના આધારે સ્ટેટ મોનિટરિંગ સેલ દ્વારા દરોડો પાડવામાં આવ્યો હતો.
જેના પગલે અહી અફરાતફરી મચી જવા પામી હતી. સ્ટેટ મોનીટરીંગ સેલની ટીમ દ્વારા અહીંથી વલણ ચૂકવનાર, રાઈટર તેમજ જુગાર રમવા આવેલા જુગારીઓ સહિત 27 લોકોની ધરપકડ કરવામાં આવી છે.
આ ઉપરાંત સ્થળ પરથી 15 મોબાઈલ, 71 હજારની રોકડ, સ્ટૂલ તેમજ વરલી મટકાનો જુગાર રમાડવાના અન્ય સાધનો મળી કુલ 1.15. લાખની મત્તા કબજે કરવામાં આવી હતી. તેમજ વરલી મટકાનો ધંધો ચલાવનાર મુખ્ય આરોપી સહિત 4 લોકોને વોન્ટેડ જાહેર કરવામાં આવ્યા હતા. ઝડપાયેલા તમામ લોકોની સામે લિંબાયત પોલીસ મથકમાં ગુનો નોંધવામાં આવ્યો છે અને આ મામલે કાયદેસરની કાર્યવાહી હાથ ધરવામાં આવી છે.
