Total Users : 9762
Total views : 11426
Who's Online : 0
રીતેશ પરમાર ( ક્રાઈમ રીપોર્ટર )
વાંકાનેરમાં છરીની અણીએ જીનિંગ મિલના માલિક સાથે રૂ. 27 લાખની લૂંટ થઈ છે. બે લૂંટારુંઓ આ લૂંટને અંજામ આપીને ફરાર થઇ જતા પોલીસે તેની શોધખોળ હાથ ધરી છે.
વાંકાનેર શહેર નજીક આવેલા વિકાસ જિનિંગ મિલના પાર્ટનર યુસુફભાઇ માથકીયા તેના એકાઉન્ટન્ટ અબ્દુલભાઇ સાથે સ્વીફ્ટ કારમાં બેસી ઘરે જતા હતા.
ત્યારે મિલની બહાર જ દીવાલ પર અગાઉથી બેસેલ એક શખ્સએ કાર પર પથ્થર માર્યો હતો અને અન્ય શખ્સે કાર પર ધોકાથી હુમલો કર્યો હતો. જેથી મિલના પાર્ટનર યુસુફભાઇ કારની બહાર આવતા છરી વડે હુમલો કરી બંને શખ્સો 27 લાખ ભરેલો થેલો લઈને ફરાર થઈ ગયા હતા. આ ઉપરાંત ચેક અને ડોક્યુમેન્ટનો થેલો પણ લઈ ગયા છે. જ્યારે ઇજાગ્રસ્ત યુસુફભાઈને સારવાર માટે હોસ્પિટલ ખસેડાયા હતા, બનાવને પગલે મોરબી એલસીબી ટીમ અને વાંકાનેર પોલીસ ટીમ દોડી ગઈ હતી અને લૂંટારૂઓને ઝડપી લેવા તપાસ હાથ ધરી હતી.
