Total Users : 3000
Total views : 3677
Who's Online : 0
તોડકાંડની ઓડિયોક્લિપ વાયરલ થવા મુદ્દે તંત્ર એલર્ટ
ઓડિયોક્લિપ વાયરલ થવા મુદ્દે પોલીસ કમિશ્નરને લીધું આકરું પગલું
ઓડિયોક્લિપમાં 5 લાખની માંગણી કરાઈ હતી
રાજકોટ શહેર પોલીસ કમિશ્નર રાજુ ભાર્ગવ એક બાદ એક આકરા નિર્ણયો લઈ રહ્યા છે. તાજેતરમાં તેઓએ વાહનમાંથી પોલીસ નહીં હટાવનાર 7 પોલીસ કર્મચારીઓને ક્વાર્ટર ખાલી કરવા આદેશ આપ્યો હતો.
ત્યારે હવે 5 લાખના તોડકાંડની ઓડિયોક્લિપ વાયરલ થવા મુદ્દે જમાદાર વિજયગીરીને સસ્પેન્ડ કરી દેવાનો નિર્ણય લેતા પોલીસબેડામાં ખળભળાટ મચી ગયો છે. અને પોલીસ કમિશ્નરનાં બે આકરા નિર્ણયો શહેરમાં ચર્ચાનો વિષય બન્યા છે.
જાણવા મળતી વિગત મુજબ, રાજકોટ શહેર ક્રાઇમ બ્રાન્ચ દ્વારા તાજેતરમાં વિદેશી દારૂનો જથ્થો ઝડપી પાડવામાં આવ્યો હતો. જે બાદ બુટલેગર સાથે સેટિંગ કરવા અંગે બુટલેગરનાં મિત્ર સાથે વાત કરતા જમાદાર વિજયગીરી ગોસ્વામીની ઓડિયો ક્લિપ વાઇરલ થઇ હતી. જેમાં રૂપિયા 5 લાખની માંગણી કરવામાં આવી હતી અને આ સેટિંગમાં બે પીઆઇ , એસીપી અને ડીસીપી સુધી આપવાનું હોય તેવો સંવાદ કરવામાં આવ્યો હતો. જેને પગલે પ્રથમ ઉચ્ચ અધિકારીઓ દ્વારા જમાદાર વિજયગીરીની હેડ ક્વાર્ટરમાં બદલી કરવામાં આવી હતી. જ્યારે આજે તેને સસ્પેન્ડ કરી દેવામાં આવ્યા છે.
ઉલ્લેખનીય છે કે, અગાઉ પોલીસ કમિશ્નર અને ક્રાઈમ બ્રાંચ સામે થયેલ આક્ષેપ બાદ અધિકારીઓ બદલાયા હતા. ત્યારબાદ બીજા રાઉન્ડમાં તમામ કર્મચારીઓને બદલી નાખવામાં આવ્યા હતા. અને આ નવી ભરતીમાં કર્મચારીના છેલ્લા 3 વર્ષના રેકોર્ડ ચકાસી નિમણુંક આપવામાં આવી હતી. જેમાં વિજયગીરી પસંદગી પામ્યા હતા. ત્યારે જે-તે સમયે થયેલી પસંદગી સામે પણ સવાલો ઉઠી રહ્યા છે. જો કે પોલીસ કમિશ્નરનાં આકરા પગલાંથી પોલીસ કર્મચારીઓમાં સોપો પડી ગયો છે.
