ખૂની ખેલ અને ખાખીનો વિજય: સુરત અને અમદાવાદના નામચીન હિસ્ટ્રીશીટરોની ગેંગને વિવેકાનંદનગર પોલીસે માત્ર ૬ કલાકના ‘ગોલ્ડન અવર્સ’માં દબોચી!

અહેવાલ-રીતેશ પરમાર (સિનિયર જર્નાલિસ્ટ)

બીબીપુરા કેનાલ પાસે છરાબાજી કરી અઢી તોલાની સોનાની ચેઈન લૂંટનાર પાંચ શાતિર બદમાશો જેલના સળિયા પાછળ; ટેકનિકલ માસ્ટરમાઈન્ડ અને જાંબાઝ પોલીસ સ્ટાફના હ્યુમન નેટવર્ક સામે લૂંટારુ ગેંગનો હિસાબ ચપટીમાં સાફ.

અમદાવાદ ગ્રામ્ય: સૂમસામ રસ્તો, અંધારું થવાની તૈયારી અને અચાનક પાછળથી ધસી આવેલા બાઈક અને એક્ટિવા સવાર લૂંટારુઓ… તારીખ ૨ જુલાઈ ૨૦૨૬ ના રોજ સાંજે આશરે ૦૬:૧૫ વાગ્યે હાથીજણ ગામની સીમમાં વેપારી પર થયેલા ખૂની હુમલા અને લૂંટની આ સનસનાટીભરી ઘટનાએ સમગ્ર પંથકને ધ્રુજાવી દીધો હતો. પરંતુ, ગુનેગારો એ ભૂલી ગયા હતા કે કાયદાના હાથ લાંબા હોય છે. અમદાવાદ ગ્રામ્ય પોલીસે માત્ર ૬ જ કલાકના ‘ગોલ્ડન અવર્સ’ માં સુરત અને અમદાવાદના નામચીન હિસ્ટ્રીશીટરોની આખી ગેંગને પકડી પાડી ખાખીનો અસલી પાવર બતાવ્યો છે.

લોહીલુહાણ ખેલ અને ફિલ્મી સ્ટાઈલે લૂંટ:-

ભોગ બનનાર ફરિયાદી પોતાની એક્ટિવા પર વાંચ ગામથી બીબીપુરા રોડ તરફ પસાર થઈ રહ્યા હતા. કેનાલ પાસે ફેક્ટરી નજીક સન્નાટો જોઈ પાછળથી આવેલા અજાણ્યા શખ્સોએ વાહન ઊભું રાખવા લલકાર્યા. ફરિયાદીએ એક્ટિવા ભગાડવાનો પ્રયાસ કર્યો, પરંતુ ક્રૂરતાની હદ વટાવી ચૂકેલા બદમાશોએ ચાલુ એક્ટિવા પર જોરદાર લાત મારી તેમને નીચે પાડી દીધા. પ્રતિકાર કરતા જ લૂંટારુઓએ તીક્ષ્ણ છરા કાઢ્યા અને ફરિયાદીના માથા તેમજ નિતંબના ભાગે ઉપરાઉપરી ઘા ઝીંકી લોહીલુહાણ કરી દીધા. ફરિયાદી કણસતા રહ્યા અને આરોપીઓ તેમના ગળામાંથી ₹૩.૫ લાખની કિંમતની અઢી તોલાની સોનાની ચેઈન ઝૂંટવી અંધારામાં ગાયબ થઈ ગયા!

મિશન ગોલ્ડન સિક્સ અવર્સ’ – એક્શનમાં સુપરકોપ્સ:-

ઘટનાની ગંભીરતા જોતા જ અમદાવાદ વિભાગના આઈજીપી રાઘવેન્દ્ર વત્સ, એસપી ઓમ પ્રકાશ જાટ અને ડીવાયએસપી નીલમ ગોસ્વામીએ તાત્કાલિક મેદાન સંભાળ્યું. ગુનેગારો જીલ્લાની સરહદ વટાવે તે પહેલાં જ વિવેકાનંદનગર પોલીસ સ્ટેશનના પોલીસ ઇન્સ્પેક્ટર પી.ડી. પરમારને સ્પેશિયલ કમાન્ડ સોંપવામાં આવ્યો.પી.આઈ. પી.ડી. પરમારે તાત્કાલિક જાંબાઝ કમાન્ડોઝની અલગ-અલગ ટીમો બનાવી. આ ઓપરેશનમાં ટેકનિકલ એનાલિસિસ અને ગ્રાઉન્ડ ઝીરો પર હ્યુમન નેટવર્ક બિછાવવા માટે આ સુપરકોપ્સની ટીમે મોરચો સંભાળ્યો હતો:

એ.એસ.આઇ નરેંદ્રસિહ દિનુભા (બ.નં.૬૮૦)અહે.કો. ધુડાભાઇ પથાભાઇ (બ.ન-૧૨૭૧) અને દિવ્યરાજસિહ કનકસિહ (બ.ન.૧૩૬૫)અ.હે.કો. કપીલભાઇ ચમનભાઇ (બ.ન-૧૪૩૯), રઘુભાઇ રણછોડભાઇ (બ.ન-૫૩૩) અને રોહિતભાઇ માધુભાઇ (બ.ન-૫૮૯)અ.હે.કો. ગીતાબેન રમણભાઇ (બ.નં.૫૭૫)આ.પો.કો. કલ્પેશભાઇ ગગજીભાઇ (બ.નં-૫૯), મુસ્તાકભાઇ (બ.નં.૫૪) અને રજનીભાઇ કનુભાઇ (બ.ન-૨૨૫)અ.પો.કો. હરદીપસિહ સરદારસિંહ (બ.ન-૭৮૦) અને રામસંગભાઇ કાંતીભાઇ (બ.ન-૧૪૨૪)એલ.આર.પો.કો. મિતુરાજસિહ મહાવિરસિંહ (બ.નં.૧૬૨૯) અને દશરથભાઇ કરશનભાઇ (બ.નં.૧address-૧૫૯૨)એલ.આર. હરદેવસિંહ દસરથસિંહ (બ.ન-૧૬૭) [0]

ટેકનિકલ ટ્રેકિંગમાં આખી
‘હિસ્ટ્રીશીટર ગેંગ’ ઝડપાઈ:-

જુઓ વિડીયો આરોપીઓને વિવેકાનંદ નગર પોલીસે દબોચ્યા

પોલીસ સ્ટાફે રાત-દિવસ જોયા વગર ડિજિટલ ફૂટપ્રિન્ટ્સ, સીસીટીવી અને ગુપ્ત બાતમીદારોના નેટવર્કને એક્ટિવ કર્યું. ડેટા એનાલિસિસના સચોટ વાઈબ્રેશન્સે પોલીસને ગુનેગારોના સચોટ લોકેશન સુધી પહોંચાડી દીધી. જ્યારે પોલીસે ઘેરો ઘાલ્યો ત્યારે સામે કોઈ સામાન્ય ચોર નહીં, પરંતુ સુરત અને અમદાવાદના રીઢા ગુનેગારોની આખી ટોળકી નીકળી!

પોલીસે નીચેના પાંચેય આરોપીઓને મુદ્દામાલ સાથે દબોચી લીધા:-

(૧)કિરણ ઉર્ફે કૃણાલ હવસીંગ દેવીપુજક (હાલ રહે. સુરત, મૂળ રહે. ફેદરા, ધંધુકા) – આ શાતિર લૂંટારુ સામે સુરતના ઉમરા અને પુણા પોલીસ સ્ટેશનમાં છેડતી, લૂંટ, ઘાતક હથિયાર રાખવા અને જાનથી મારી નાખવાની ધમકી જેવા
ગંભીર ગુનાઓ નોંધાયેલા છે.

(૨)રામસિંગ ઉર્ફે બકો ચેલાજી ઠાકોર (રહે. સરકારી ગૌચર, વાંચ ગામ, દસ્ક્રોઇ).

(૩) અનિલભાઇ પ્રહલાદભાઇ ઠાકોર (રહે. વસ્ત્રાલ, અમદાવાદ) – આ આરોપી સામે ગાંધીનગરના દહેગામમાં અપહરણ, રાયોટિંગ અને છેડતી તેમજ અમદાવાદના સાબરમતીમાં પ્રોહિબિશન અને રામોલ પોલીસ સ્ટેશનમાં ઘાતક હથિયાર વડે હુમલો કરવાના ગંભીર ગુના નોંધાઈ ચૂક્યા છે.

(૪) ફુલાજી ઉર્ફે અજય વિષ્ણુભાઇ ઠાકોર (રહે. વાંચ ગામ, દસ્ક્રોઇ).૫. શ્રવણ જવાજી ઠાકોર (રહે. વાંચ ગામ, દસ્ક્રોઇ).

ખાખીની ગર્જના સામે ગુનેગારો સરેન્ડર:-

પોલીસ સ્ટાફના સચોટ એક્શન પ્લાન સામે આ હિસ્ટ્રીશીટરોનું કઈ ન ચાલ્યું. ગુનો બન્યાના માત્ર ૬ જ કલાકમાં વિવેકાનંદનગર પોલીસે પાંચેય આરોપીઓને ચારેય તરફથી ઘેરીને જેલના સળિયા પાછળ ધકેલી દીધા. એટલું જ નહીં, પણ લૂંટાયેલી ₹૩.૫ લાખની આખેઆખી સોનાની ચેઈન અને ગુનામાં વપરાયેલા હથિયારો પણ રિકવર કરી લીધા છે.

નવી ભારતીય ન્યાય સંહિતા (BNS) ની કલમ-૩૦૯(૪)(૬) અને ૫૪ હેઠળ ગુનો નોંધીને પોલીસે સાબિત કરી દીધું છે કે અમદાવાદ ગ્રામ્ય વિસ્તારમાં જો કોઈ ગુનો કરવાની કોશિશ પણ કરશે, તો ખાખીની ત્રીજી આંખ અને જાંબાઝ પોલીસકર્મીઓ તેને પાતાળમાંથી પણ શોધી કાઢશે!