Total Users : 9764
Total views : 11428
Who's Online : 0
કોતરપુરમાં સાબરમતી નદી નજીકથી મળી આવી દેશી દારૂની ભઠ્ઠી
બુટલેગર કમલા અને તેના પુત્ર ધર્મેન્દ્ર વિરુદ્ધ ફરિયાદ નોંધાઇ
અમદાવાદમાં એરપોર્ટ નજીક PCBએ કોતરપુરમાં રેડ દરમિયાન સાબરમતી નજીકથી દેશી દારૂની ભઠ્ઠી મળી આવી છે.
તદુપરાંત કેટલીક વસ્તુઓનો સ્થળ પર જ નાશ કર્યો હતો. આ ભઠ્ઠી ચલાવનાર મા (મહિલા બુટલેગર) અને તેનો દીકરો હાલમાં ફરાર છે. પોલીસે તેઓની વિરૂદ્ધ ગુનો નોંધીને આ મામલે આગળની કાર્યવાહી હાથ ધરશે.
જુઓ વિડીયો
મળતી વિગતો અનુસાર, અમદાવાદમાં એરપોર્ટ પોલીસ સ્ટેશનની હદમાં કોતરપુર ટર્નિંગની બાજુમાં આવેલ સાબરમતી નદીના પટની ડાબી બાજુ દેશી દારૂ બનાવવાની ભઠ્ઠી ચાલી રહી હતી. ત્યારે આ મામલે PCB ને બાતમી મળતા PCBએ ઘટનાસ્થળે રેડ પાડી. અહીં જમીનમાં દટાયેલા પીપડામાં દારૂ બનાવવામાં આવતો. જેમાંથી 9700 લિટર દેશી દારૂનો વૉશ મળી આવ્યો કે જેનો સ્થળ પર જ નાશ કરાયો.
પોલીસે દારૂ બનાવવા માટે વપરાતો 770 કિલો અખાદ્ય ગોળ પણ કબ્જે કર્યો છે. દેશી દારૂની ભઠ્ઠી ચલાવનાર કમલા માલાવત અને ધર્મેન્દ્ર માલવતને PCBની રેડ અંગેની જાણ થતા જ તેઓ ઘટનાસ્થળેથી ફરાર થઈ ગયા. હાલમાં પોલીસે તેઓની સામે ગુનો નોંધી આગળની કાર્યવાહી હાથ ધરી તેઓની શોધખોળ હાથ ધરી છે. જો કે, એરપોર્ટ પોલીસ સ્ટેશનની હદમાં આટલી મોટી માત્રામાં દારૂ બનાવવાની ભઠ્ઠી હોવા છતાં એરપોર્ટ પોલીસ કેવી રીતે અજાણ હોઈ શકે.
