Total Users : 9826
Total views : 11505
Who's Online : 0
ગુજરાતમાં દારૂબંધી જાણે નામથી જ રહી ગઈ હોય તેમ રોજ બરોજ અવનવા કિસ્સાઓ પ્રકાશમાં આવી રહ્યા છે. આમ નાગરીકો તો છોડો પણ ખુદ સરકારી બાબુઓ દારૂબંધી ના ધજાગરા ઉડાડતા નજરે પડી રહ્યા છે.
સુરત મહાનગરપાલિકાની આબરૂના લીરેલીરા ઉડાડતી ઘટના સામે આવી રહી છે. જેમાં SMC ના કેટલાક અધિકારીઓ ખુલ્લેઆમ પોલીસ કે કાયદાનો ડર રાખ્યા વગર દારૂ પિતા હોવાનું વિડીયો સામે આવ્યું છે.સુરતમાં (Surat) મહાનગરપાલિકાની આબરૂનાં લીરેલીરા તેના જ કેટલાક અધિકારીઓ દ્વારા ઉડાડવામાં આવ્યા હોય તેવી ઘટના સામે આવી છે. લોકોને દારૂ બંધીનું પાલન કરાવતાં સુરતમાં મનપાના અધિકારીઓ જ છાકટા બન્યા છે. સીંગણપુર કતારગામ તારણકુડમાં SMC ના કેટલાક અધિકારીઓ દારૂની મહેફિલ (liquor party) માણતા રંગેહાથ ઝડપાયા હતા. જો કે, રેડ પડતા દારૂની પાર્ટી કરતા તમામ અધિકારીઓ ત્યાંથી ભાગ્યા હતા.
મનપાના અધિકારીઓ ઝડપાતા અનેક સવાલ
આ ઘટના સામે આવતા તમામ અધિકારીઓની પોલીસે અટકાયત કરી હતી અને પૂછપરછ હાથ ધરી હતી. આ ઘટનાને લઈને કોર્પોરેટર નરેન્દ્ર પાંડવ (Narendra Pandav) પણ ઘટનાસ્થળે પહોંચ્યા હતા. કોર્પોરેટરે કહ્યું કે, જવાબદાર તમામ અધિકારીઓ સામે કાર્યવાહી કરવામાં આવશે. પ્રાથમિક માહિતી મુજબ, અટકાયત કરાયેલા અધિકારીઓમાં પંકજ ગાંધી, તેજસ ખલાસી, પીનેશ સારંગ, અજય સેલર અને સંજય રેતીવાલા સામેલ છે. પ્રાથમિક અહેવાલ અનુસાર, આ દારૂ પાર્ટીમાં સ્વિમિંગ કરવા આવેલો એક સભ્ય અને વોચમેનનો પણ સામેલ હતા. SMC ના અધિકારીઓનો વીડિયો સામે આવતા અનેક સવાલ થઈ રહ્યા છે કે આવા અધિકારીઓ સામે ક્યારે પગલાં લેવામાં આવશે ? દારૂ બંધીનાં ધજાગરા કરતા અધિકારીઓ સામે ક્યારે એક્શન થશે ? શું મનપાના અધિકારીઓને દારૂ પીવાનો પરવાનો છે ? આમ પ્રજા સાથે આકરું વલણ.. અધિકારીઓ સામે ક્યારે ?
