Total Users : 25
Total views : 93
Who's Online : 0
31 ડિસેમ્બર પહેલા એસઓજીએ અમદાવાદ શહેરમાં મોટી માત્રામાં ડ્રગ્સનો જથ્થો પકડી પાડયો છે. શહેરના સિંધુભવન રોડ પર પાલનપુરથી ડ્રગ્સ આપવા આવેલા બે લોકોને એસઓજીએ પકડી પાડયા છે. પોલીસ પૂછપરછમાં બંને આરોપીઓએ ચોકાવનારી હકીકતો આપી હતી. આ બંને આરોપીઓ ઇરફાન ઉર્ફે પોપટ સિંધી અને નયામતઅલીખાન નાગોરી મૂળ પાલનપુરના રહેવાસી છે.
છેલ્લા છ માસમાં ત્રણ વાર અમદાવાદ આવી એમડી ડ્રગ્સની ડિલિવરી કરી ચુક્યા છે
આ બંને આરોપીઓની પૂછપરછમાં સામે આવ્યું કે તેઓ ખાસ એમડી ડ્રગ્સની ડિલિવરી કરવા જ આવ્યા હતા. આરોપીઓની તપાસમાં ચોંકાવનારી વાત એ સામે આવી કે તેઓ એક કોડવર્ડનો ઉપયોગ કરતા હતા. જે વ્યક્તિ સાથે ડિલ થાય તેના ભળતા નામ કે અન્ય પ્રકારના કોડવર્ડનો ઉપયોગ કરતા જેથી કોઈ ત્રાહિત વ્યક્તિ બોગસ બનીને તેઓનો માલ ન પડાવી શકે અને ડિલ કરનાર વ્યક્તિના હાથમાં જ આ ડ્રગ્સ આપતા હતા. જે વ્યક્તિએ ડિલ કરી હોય તેની સાથે જે કોડવર્ડ નક્કી કરાયો હોય તે જ કોડવર્ડ લેવા ડ્રગ્સ લેવા આવનાર વ્યક્તિ આપે તો જ આ જથ્થો અપાતો હતો. આ આરોપીઓ અત્યાર સુધીમાં છેલ્લા છ માસમાં ત્રણ વાર અમદાવાદ આવી એમડી ડ્રગ્સની ડિલિવરી કરી ચુક્યા છે.
ઇરફાન ઉર્ફે પોપટ અગાઉ મર્ડરના ગુનામાં દોઢેક વર્ષ પહેલા જ જેલમાંથી બહાર આવ્યો
આ ડ્રગ્સ આરોપીઓ કોની પાસેથી લાવ્યા અને કોને આપવાના હતા એ બાબતે પોલીસે તપાસ શરૂ કરી છે. તો આરોપી ઇરફાન ઉર્ફે પોપટ અગાઉ મર્ડરના ગુનામાં દોઢેક વર્ષ પહેલા જ જેલમાંથી બહાર આવ્યો હતો અને તેની સામે અન્ય મારામારી અને ધમકી આપવાનો પણ ગુનો નોંધાઈ ચુક્યો હોવાનું તપાસમાં સામે આવ્યું છે.
