Total Users : 12993
Total views : 15217
Who's Online : 2
મહિલા ગેંગને બોડેલી S T ડેપોમાં બસમાંથી પોલીસે ઝડપી પાડી
ત્રણ મહિલા પાસેથી 86,593નો વિદેશી દારૂ ઝડપાયો
આજે સવારે છોટાઉદેપુરથી વડોદરા તરફ જઈ રહેલી બસમાંથી ઝડપી
કહેવા માટે તો ગુજરાતમાં દારૂબંધી છે. પરંતુ રાજ્યમાં દારૂની હેરાફેરી બનાવો ઓછુ થવાનુ નામ લેતા નથી. માત્ર પુરૂષો જ નહીં પરંતુ મહિલાઓ પણ અવનવી રીતે દારૂની હેરાફેરીમાં સંડોવાયેલી હોય છે.ત્યારે છોટાઉદેપુર જિલ્લામાં કોઇએ વિચાર્યુ પણ ન હોય તેવી રીતે મહિલા ગેંગ દારૂની હેરાફેરી કરતી હતી. જો કે પોલીસની ઝડપમાં આવતા ભાંગો ફૂંટ્યો હતો.
મળતી માહિતી મુજબ છોટાઉદેપુર જિલ્લાના બોડેલી એસ. ટી. ડેપોમાં સ્થાનિક પોલિસે બસ મુસાફરી કરતી ત્રણ મહિલાને વિદેશી દારૂ સાથે ઝડપી વધુ પૂછપરછ હાથ ધરી હતી.છોટાઉદેપુરથી વડોદરા તરફ જતી એક્સપ્રેસ બસમાં વિદેશી દારૂની હેરાફેરી થઇ રહી છે. તેવી પોલીસને બાતમી મળતા આજે સવારે છોટાઉદેપુરથી વડોદરા તરફ જઈ રહેલી એસ. ટી બસ દશ વાગ્યાંની આસપાસ બોડેલી એસ. ટી ડેપોમાં આવતા બોડેલી સ્થાનિક પોલિસે બાતમીના આધારે બસમાં તપાસ આદરી હતી.
બસમાં તપાસ કરતાં મુસાફરી કરી રહેલી ત્રણ મહિલા પાસેથી સ્કૂલ બેગમાં ભારતીય બનાવટની વિદેશી દારૂ ઝડપાયો હતો. જે જોઇને પોલીસ પણ ચોંકી ઉઠી હતી. એક નહીં ત્રણ બેગમાં દારૂની બોટલો મળી આવી હતી. આ ત્રણ મહિલામાં જિનકી બેન ચીમડીયા ભાઈ ( રહે. ચિસાડિયા) સરલીબેન વિનુ ભાઈ રહે (ચિસાડિયા) બાવી બેન નમલીયા ભાઈ (રહે. ચિસાડિયા)ની પોલિસે ધરપકડ કરી હતી. આ સાથે જ ભારતીય બનાવટની વિદેશી દારૂની ટીન સહીત નાની, મોટી કુલ 500 બોટલ સહીત તેની કિંમતનો કુલ 86,593 નો મુદ્દામાલ ઝડપી વધુ તપાસ હાથ ધરી હતી. આ દારૂ કોના કહેવાથી અને ક્યાં લઇ જવાઇ રહ્યો હતો તે અંગે પોલીસે ઉંડાણપૂર્વક તપાસ હાથ ધરી છે.
