Total Users : 9767
Total views : 11433
Who's Online : 0
રીતેશ પરમાર ( ક્રાઈમ રીપોર્ટર )
અમદાવાદઃ એક મોબાઇલની ઓડિયો ક્લિપે કોંગ્રેસમાં કકળાટ ઉભો કરી દીધો છે, હવે અમદાવાદ મ્યુનિસિપલ કોર્પોરેશનના કોર્પોરેટર જમનાબેન વેગડાને કોંગ્રેસે સસ્પેન્ડ કરી દીધા છે, તેમનો અને અન્ય વ્યક્તિનો તાંત્રિકવિધીનો ઓડિયો વાઇરલ થયો હતો, જેમાં જમનાબેને એએમસીમાં વિપક્ષના નેતા શેહજાદખાન પઠાણ અને કોંગ્રેસના ધારાસભ્ય શૈલેષ પરમાર સામે તાંત્રિક વિધી કરાવી હોવાની વાત હતી.
જમનાબેન વેગડા આ બંને નેતાઓને પોતાના દુશ્મન માને છે, તેઓ શેહજાદખાન પઠાણને એએમસીમાં વિપક્ષના નેતા બનાવવા મામલે પણ વિરોધ કરી ચુક્યાં છે, તાંત્રિક વિધીની ઓડિયો ક્લીપ આવ્યાં પછી કોંગ્રેસ પ્રદેશ પ્રમુખ જગદીશ ઠાકોરે તપાસના આદેશ આપ્યાં હતા અને હવે તેઓ દોષિ સાબિત થતા તેમને પાર્ટીમાંથી સસ્પેન્ડ કરી દેવાયા છે.
કોંગ્રેસે જમનાબેનને સસ્પેન્ડ કરતા તેમના તાંત્રિકવિધીના કૃત્યની જોરદાર ટીકા કરી છે. પાર્ટીની શિસ્તનો ભંગ કરીને જમનાબેને કોંગ્રેસની પ્રતિષ્ઠાને નુકસાન પહોંચાડ્યું હોવાનું પાર્ટીનું માનવું છે તેથી તેમને હવે પાર્ટીમાંથી સસ્પેન્ડ કરીને સજા આપવામાં આવી છે.
