Total Users : 3000
Total views : 3677
Who's Online : 0
રીતેશ પરમાર (ક્રાઈમ રીપોર્ટર )
વડોદરાના હરણી હાઈવે પર રાજસ્થાનથી મંગાવેલા દારૂના કન્ટેનર માંથી દારૂ કટીંગ નું કામ ચાલી રહ્યું હતું તે વખતે પોલીસે દરોડો પાડતા કન્ટેનર માંથી 44 લાખની કિંમતનો દારૂના જથ્થો મળી આવ્યો હતો. પોલીસે ડિલીવરી લેવા આવેલા બે ટેમ્પા સાથે બે ખેપિયાને ઝડપી પાડયા હતા.
વડોદરાના ભારતીય વિસ્તારમાં રહેતો નામચીન બુટલેગર હેરી એ મંગાવેલા દારૂના જથ્થા નું હરણી ગોલ્ડન ચોકડી પાસે સાંઈબાબા પાર્કિંગમાં કટીંગ ચાલી રહ્યું હોવાની વિગતો ને પગલે હરણી પોલીસે દરોડો પાડ્યો હતો.
પોલીસ પહોંચી ત્યારે કન્ટેનર માંથી દારૂની પેટીઓ ઉતારીને ટેમ્પામાં મુકવામાં આવી રહી હતી. પોલીસે દારૂ જથ્થો ઉતારી રહેલા કન્ટેનર ના ક્લિનર મહાવીર ચંપકલાલ કલાલ (રાજસ્થાન) તેમજ ટેમ્પાના ચાલક કેશુ લાલ નાનાલાલ ગાડરી (છોટાઉદેપુર) ને ઝડપી પાડયા હતા.
પોલીસે રૂ.44 લાખની કિંમતનો દારૂનો જથ્થો કબજે કર્યો હતો. જ્યારે બે ટેમ્પા પણ કબજે લીધા હતા. આ ઉપરાંત બે મોબાઇલ તેમજ રોકડા રૂ.10 હજાર પણ કબજે કરવામાં આવ્યા હતા.
હરણીના પી.આઈ વીકે દેસાઈએ કહ્યું છે કે, દારૂનો જથ્થો વારસીયા સંત કવર કોલોનીમાં રહેતા હરીશ ઉર્ફે હેરી બ્રહ્મક્ષત્રિય એ મંગાવ્યો હોવાની તેમજ રાજસ્થાનના રાજુ સિંગ એ મોકલ્યો હોવાની વિગતો ખુલી છે. આ ઉપરાંત વડોદરા માં દારૂની ડિલિવરી મેળવવા માટે આવેલા ખેપિયા ની પૂછપરછમાં રફીક તેમજ શક્તિ ના નામો ખુલ્યા છે. જ્યારે કન્ટેનર નો ડ્રાઇવર ફરાર થઇ ગયો છે. વોન્ટેડ જાહેર કરવામાં આવ્યો છે.
પોલીસે બે જણને અટકાયત મા લઈ બાકીના પાંચ ને વોન્ટેડ જાહેર કર્યા છે.જ્યારે, કુલ રૂ 62 લાખનો મુદ્દામાલ કબજે કર્યો છે.
