મોડાસા : ઘઉંની બોરીઓની આડમાં સંતાડીને ટ્રકમાં લઈ જવાતો ઇંગ્લિશ દારૂનો મોટો જથ્થો SMC એ ઝડપી પાડ્યો! 10.50 લાખના દારૂ સાથે 2 ની ધરપકડ

અહેવાલ – ટાઈમ્સ ઓફ અમદાવાદ

અરવલ્લી –
SMC દ્વારા પ્રોહી દરોડા હેઠળ રનિંગ રેઇડ કરતા અરવલી જિલ્લાના મોડાસા તાલુકાના ગાજણ ટોલનાકા પસે અમર પંજાબી ઢાબા પાસે વોચ ગોઠવી મોડાસા ગ્રામ્ય પોલીસ સ્ટેશન વિસ્તારમાં જ એક ટ્રકમાંથી ઘઉંના લોટની થેલીઓની આડમાં લવાતો દારૂનો જથ્થો મોટી માત્રામાં ઝડપી પાડ્યો હતો. IMFL બોટલ્સ 8892 સાથે રૂપિયા 10,35,600/-ની કિંમતનો દારૂ તેમજ અન્ય મુદામાલ સાથે કુલ મુદ્દામાલ રૂ. 32,62,080/-રૂપિયાના મુદામાલ સાથે બે આરોપીને દબોચી આરોપીને પોલીસ સ્ટેશને સોંપવામાં આવ્યા હતા.

પરપ્રાંતમાંથી વિદેશી દારૂ ગુજરાતમાં ઘૂસાડવા માટે અરવલ્લી-રાજસ્થાનની સરહદ બુટલેગરો સલામત માનતા હોય એવું લાગી રહ્યું છે. ત્યારે સ્ટેટ મોનીટરીંગ સેલે મોડાસા શામળાજી હાઇવે પર આવેલા ગાઝણ ટોલબુથ પાસેથી ટ્રકમાં ઘઉંના લોટની બોરીની આડમાં લઇ જવાતો 8889 બોટલ વિદેશી દારૂ ઝડપ્યો છે. રાજસ્થાન બોર્ડર વટાવી છેક મોડાસા સુધી દારૂ ભરેલ ટ્રક સલામત રીતે પહોંચાડવામાં બુટલેગર સફળ રહ્યાં હોય અને સ્થાનિક પોલીસ ઊંઘતી ઝડપાઇ છે.

ઝડપાયેલ આરોપીઓ
(1) સ્વરૂપરામ અમેદરમ જાટ (રહે. જિલ્લો -બાડમેર રાજસ્થાન, દારૂ ભરેલ ટ્રકનો ડ્રાઈવર)

(2) રૂપરામ હસ્તરામ જાટ (રહે. રામકિશન નગર, તા- સિન્દ્રી ઈનીદ્રી, જિ.- બાલોત્રા રાજસ્થાન, સફાઈ કામદાર)