Total Users : 12989
Total views : 15213
Who's Online : 0
અંકલેશ્વરમાં કન્ટેનરમાં PIની ઓફીસનું લોકાર્પણ કરાયું
જિલ્લા પોલીસ વડાએ બી ડિવિઝન ઇન્સ્પેકટરની ઓફિસનું કર્યું લોકાર્પણ
જગ્યા મળતા બાંધકામ થતા બી ડિવિઝન પોલીસ સ્ટેશન કાર્યરત થશે
ઔદ્યોગિક સાથે શહેરીકરણ સાથે વધતા ક્રાઈમને લઈ ગત વર્ષે જ ભરૂચ જિલ્લામાં નવા 3 પોલીસ મથક શરૂ કરાયા હતા. અંકલેશ્વર શહેર પોલીસ મથકમાંથી અંકલેશ્વર બી ડિવિઝન અલગ પડ્યું હતું. જે પ્રતિન ચોકડી સામે હાલ કન્ટેનરમાં કાર્યરત છે. કન્ટેનરમાં નવું પોલીસ સ્ટેશન તો કાર્યરત થઈ ગયું પણ પોલીસ ઇન્સ્પેકટર માટે જગ્યા ન હોય તેની બાજુમાં જ બીજું કન્ટેનર હાઉસ બનાવવામાં આવ્યું હતું.
જિલ્લા પોલીસ વડા ડો. લીના પાટીલ દ્વારા કન્ટેનરમાં સુવિધા સજ્જ બનાવેલી પી.આઈ. ની ઓફિસનું આજે સોમવારે વિધિવત લોકાર્પણ કરાયું હતું. તેઓએ આગામી સમયમાં જગ્યા મળ્યા બાદ બાંધકામ થતા બી ડીવિઝન પોલીસ સ્ટેશનનું નિર્માણ કરાશે તેમ કહ્યું હતું.
વિધાનસભા 2022ની ચૂંટણીમાં રાજ્યમાં ભરૂચના આલિયા બેટ ખાતે શિપિંગ કન્ટેનરમાં 240થી વધુ મતદારો માટે ચૂંટણી તંત્રે મતદાન મથક બનાવ્યું હતું. હવે શિપિંગ કન્ટેનરમાં આજથી અંકલેશ્વર બી ડિવિઝન પી.આઈ. ની ઓફીસ શરૂ થઈ છે.
