Total Users : 9904
Total views : 11591
Who's Online : 6
સાબરમતીમાં બાબુ દાઢીના અડ્ડા પર દરોડા પડયાં હતાં
12 આરોપીઓને શરતો સાથે સેશન્સ કોર્ટે જામીન મંજૂર કર્યા
કોર્ટની મંજૂરી વગર રાજ્ય છોડવુ નહીં અને પાસપોર્ટ જમા કરાવવો
અમદાવાદના સાબરમતી વિસ્તારમાં બાબુ દાઢીના જુગારના અડ્ડા પર સ્ટેટ મોનિટરિંગ સેલના દરોડામાં પકડાયેલા પીએસઆઈ સહિત 12 આરોપીઓને શરતો સાથે સેશન્સ કોર્ટે જામીન મંજૂર કર્યા છે.કોર્ટે શરતો મૂકી છે કે, નિયત તારીખે તપાસ અધિકારી સમક્ષ હાજર થવું, કાયમી સરનામું આપવું, કોર્ટની મંજૂરી વગર રાજ્ય છોડવુ નહીં અને પાસપોર્ટ જમા કરાવવો.
સુનાવણી દરમિયાન, અરજદારના વકીલની રજૂઆત હતી કે અરજદાર નિર્દોષ છે, તેમને આ કેસમાં ખોટી રીતે સંડોવ્યા છે, પોલીસે જે કલમ લગાવી છે તે અમલી બને જ નહીં, ક્યાંય પણ ભાગી જવાના નથી, તપાસમાં સહકાર આપીએ છીએ, કોર્ટ જામીન આપશે તો તમામ શરતોનુ પાલન કરવા તૈયાર છીએ. બીજી તરફ, પોલીસે સોગંદનામું કરીને જવાબ રજૂ કરેલો કે જે લોકોની ધરપકડ કરાયેલી છે, તેમાં કેટલાક પોલીસ કર્મચારીઓ પણ છે. પોલીસની જવાબદારી કાયદો અને વ્યવસ્થા જાળવવાની છે, જો કે તેઓ જ ગુનાહિત પ્રવૃત્તિ કરતા મળ્યા છે, રેલવેમાં જુગાર રમાડીને સરકારી મિલકતનો દુરુપયોગ કર્યો છે. જેથી, આરોપીઓની જામીન અરજીને ફગાવી દો. મહત્વનુ છે કે, અમદાવાદ ગ્રામ્ય (જિલ્લા) કોર્ટના જ્યુડિશિયલ મેજિસ્ટ્રેટ ફર્સ્ટ ક્લાસે તમામ આરોપીઓની જામીન અરજી ફગાવેલી. જેની સામે, આરોપીઓએ સેશન્સ કોર્ટમાં જામીન અરજી કરેલી હતી.
