આણંદ / લંપટ શિક્ષક બન્યો ભક્ષક, 10 માં ધોરણમાં અભ્યાસ કરતી વિદ્યાર્થીની ને કહ્યું પરીક્ષામાં પાસ થવું હોય તો મારી સાથે સેક્સ કરવું પડશે! અવારનવાર દુષ્કર્મ આચરી ગુરૂ-શિષ્યના પવિત્ર સંબંધને લાંછન લગાડ્યો

વિદ્યાનગરમાં ગુરુ અને શિષ્યના સંબંધને લાંછન લગાડતો એક બનાવ સામે આવ્યો છે. અહીં એક શિક્ષકે ધોરણ-10માં નાપાસ કરવાની ધમકી આપીને એક વિદ્યાર્થિની પર દુષ્કર્મ આચર્યું છે. બનાવ બાદ શહેરમાં ચકચાર જાગી છે. પોલીસે લંપટ શિક્ષકની ધરપકડ કરીને જેલના સળિયા પાછળ ધકેલી દીધો છે. મળતી માહિતી પ્રમાણે આરોપી એક અંગ્રેજી માધ્યમથી શાળામાં શિક્ષક તરીકે ફરજ બજાવે છે.
શિક્ષકે પીડિત યુવતીને ધોરણ-10ની પરિક્ષામાં નાપાસ કરવાની ધમકી આપીને અવાર-નવાર દુષ્કર્મ (Rape) આચર્યું હતું. આ મામલે વિદ્યાનગર પોલીસે વધારે તપાસ આદરી છે.

કેસની વધારે વિગત જોઈએ તો પીડિત યુવતી વિદ્યાનગરના ભાઈકાકા સ્ટેચ્યૂ નજીક આવેલી એક સ્કૂલમાં અભ્યાસ કરે છે. આ શાળામાં ફરજ બજાવતા દર્શન સુથારની પોલીસે વિદ્યાર્થીની પર દુષ્કર્મ આચરવાના ગુનામાં ધરપકડ કરી છે. વિદ્યાર્થિનીની ફરિયાદ પ્રમાણે લંપટ શિક્ષકે ગત 20મી માર્ચના રોજ તેણીને સ્કૂલ ખાતે બોલાવી હતી. જ્યાં કોમ્પ્યુટરના વિષયમાં નપાસ કરવાની ધમકી આપી હતી. આ ઉપરાંત જો પાસ થવું હોય તો તે કહે તેમ કરવાનું જણાવ્યું હતું.

ગુરુ-શિષ્યના સંબંધને કલંક લગાડતા આ કિસ્સાએ આખા શહેરમાં ચર્ચા જગાવી છે. લંપટ શિક્ષક પર ચારેતરફથી ફીટકાર વરસી રહી છે. લંપટ શિક્ષકને બરાબરનો પાઠ ભણાવવાની માંગ ઉઠી રહી છે. લંપટ શિક્ષકે વિદ્યાર્થિનીને પાસ થવું હોય તો તે કહે તેમ કરવાનું જણાવ્યું હતું. જે બાદમાં નરાધમ શિક્ષકે અડપલાં શરૂ કરી દીધા હતા અને વિદ્યાર્થિનીની મરજી વિરુદ્ધ શરીર સંબંધ બાંધ્યો હતો. વાત અહીંથી અટકી ન હતી. બાદમાં લંપટ શિક્ષક ધમકી આપીને વિદ્યાર્થિનીને અલગ અલગ જગ્યાએ બોલાવતો હતો અને મરજી વિરુદ્ધ સંબંધ બાંધતો હતો.