Total Users : 25
Total views : 93
Who's Online : 0
ગુજરાત સરકારના શિક્ષણ મંત્રી પ્રફુલ પાનસુરીયા (Praful Pansheriya) આજે અલગ જ અંદાજમાં જોવા મળ્યા હતા. હકીકતમાં શિક્ષણ મંત્રી કામરેજ તાલુકાના ડુંગરા ગામની પ્રાથમિક શાળાની આકસ્મિક મુલાકાતે પહોંચ્યા હતા. જ્યાં તેમણે શાળાના શૌચાલયની સફાઈ કરીને સ્વચ્છતાનો સંદેશો આપ્યો છે.
રાજ્યના શિક્ષણ મંત્રી પ્રુફલ પાનસુરીયા પોતે જ શૌચાલયની સફાઈ કરતાં હોવાનો વીડિયો પણ સામે આવ્યો છે. આ વીડિયોમાં શિક્ષણ મંત્રી એક હાથમાં સાવરણો અને બીજા હાથમાં પાણીનું ડબલું લઈને શૌચાલયની સફાઈ કરતા જોઈ શકાય છે.
પ્રફુલ પાનસુરીયાએ જણાવ્યું કે, ડુંગરા ગામની પ્રાથમિક શાળાના શિક્ષકો ખૂબ જ જહેમતથી આ વિસ્તારના બાળકોને ભણાવે છે. શાળાની અંદર નિયમિત કામગીરી કરતાં શિક્ષકો અભિનંદનને પાત્ર છે. શાળાના બાળકો પણ ટેલેન્ટેડ છે.
એક મંત્રી તરીકે તો હું અહીં આવ્યો છું. બીજી કામરેજ મારો વિધાનસભા વિસ્તાર હોવાથી અહીં સ્વચ્છતા અભિયાન હાથ ધર્યું છે. મને ગર્વ છે કે, મારી શાળાના ટૉઈલેટ સાફ કરતા મને શરમ નહીં આવે. આ સંદેશો હું ગ્રામજનો સહિત સૌ કોઈને આપું છું. આપણાં બાળકો જ્યાં અભ્યાસ કરે છે, ત્યાં શ્રેષ્ઠ સ્વચ્છતા હોવી જ જોઈએ. મારા વિસ્તારની શાળાના ટૉઈલેટ સાફ કરતાં એક શિક્ષણ મંત્રી તરીકે હું ગર્વ અનુભવું છું.
વડાપ્રધાન મોદી દ્વારા શરૂ કરવામાં આવેલા સ્વચ્છ ભારત અભિયાનના કારણે અનેક મંત્રી, નેતાઓ અને સેલેબ્રિટીઝ હાથમાં સાવરણો પકડીને રસ્તા પર સફાઈ કરતાં જોવા મળ્યા હતા. અનેક વખત તો આ સફાઈ અભિયાન માત્ર ફોટા ખેંચાવા પુરતુ જ રહી જતુ હતુ.સફાઈના નામે સ્વચ્છ જગ્યા પર સાવરણો ફેરવતા તસવીરો ખેંચાવે અને પછી ગાડીમાં બેસીને ચાલતી પકડે. જો કે ગુજરાતના શિક્ષણ મંત્રીએ આજે સ્કૂલમાં જે કામ કર્યું, તે ખરેખર પ્રેરણાદાયી છે.
