Total Users : 9903
Total views : 11590
Who's Online : 7
રીતેશ પરમાર ( ક્રાઈમ રીપોર્ટર )
ગાંધીના ગુજરાતમાં દારૂબંધીની પોલ ખોલતો વીડિયો સામે આવ્યો છે. હાલમાં લગ્નની સિઝન ચાલી રહી છે. ત્યારે લગ્નના વરઘોડામાં બેફામ થઈને દારૂનો છોળો ઉછળતો વીડિયો વાયરલ થયો છે. આ કથિત વીડિયો ગીરસોમનાથના ઉના તાલુકાના એક ગામનો હોવાનું માનવામાં આવી રહ્યું છે.
ગીર-સોમનાથના ઉનાના કાલાપણ ગામમાં લગ્ન પ્રસંગમાં દારૂની રેલમછેલનો વીડિયો વાયરલ થતા દારૂબંધીના કાયદાનું ચીરહરણ થતું જોવા મળી રહ્યું છે.
આ વીડિયોમાં કેટલાક નબીરાઓ હાથમાં દારૂની બોટલ લઇને ધમાલ કરતા જોવા મળી રહ્યાં છે.
વીડિયોમાં તમે જોઈ શકો છો કે, કેટલાક નબીરાઓને જાણે કાયદાનો ડર જ ન હોય તેમ જાહેરમાં દારૂની બોટલો વચ્ચે મુકીને ટોળે વળી ડાન્સ કરી રહ્યા છે. આ વાયરલ વીડિયો અંગે SPએ જણાવ્યું કે, આ મામલે બે શખ્સોની અટકાયત કરી પૂછપરછ કરવામાં આવી રહી છે.
SPએ ઉમેર્યું કે, વીડિયોમાં જોવા મળતા દ્રશ્યોમાં દારૂ છે કે શું તે અંગે પણ તપાસ હાથ ધરી છે. જો દારૂ હશે તો પોલીસ દ્વારા મહેફીલ અને પજેશનનો કેસ દાખલ કરી કાર્યવાહી કરવામાં આવશે.
આ કથિત વીડિયો 16 ફેબ્રુઆરીની રાત્રીનો હોવાની લોકોમાં ચર્ચા ચાલી રહી છે. આ સિવાય આ વીડિયો ઉના તાલુકાના કાલાપાણ ગામનો અને નવ નિયુક્ત યુવા સરપંચના લગ્ન પ્રસંગનો હોવાની પણ ચર્ચાઓ ચાલી રહી છે.
