Total Users : 25
Total views : 93
Who's Online : 0
રીતેશ પરમાર ( ક્રાઈમ રીપોર્ટર )
ગત પરીક્ષામાં રહી ગયેલા નિરાશ ન થાય, તૈયારી ચાલુ રાખે: ટેકનોલોજી આધારીત પરીક્ષા લેવાનો અભિગમ
રાજયના ગૃહમંત્રી હર્ષ સંઘવીએ આજે ગાંધીનગર ખાતે પોલીસ ભરતી સંદર્ભે ઉમેદવારોને માર્ગદર્શન મળી રહે તે માટે ગૃહ વિભાગ દ્વારા તૈયાર કરેલ વિડીયો સીરીઝનું વિમોચન કરતા કહ્યું હતું કે મુખ્યમંત્રી ભુપેન્દ્ર પટેલના માર્ગદર્શન હેઠળ ગૃહવિભાગ હસ્તક પોલીસની ભરતી સંપૂર્ણ રીતે પારદર્શી રીતે યોજવા માટે નવતર અભિગમ દાખવીને ટેકનોલોજીના માધ્યમથી આ પ્રયાસ કરાયો છે જે ઉમેદવારોને ખૂબ જ ઉપયોગી નીવડશે.
મંત્રીએ વધુમાં ઉમેર્યું હતું કે રાજય સરકાર પોલીસની ભરતી સંપૂર્ણપણે પારદર્શક રીતે યોજવા કટીબદ્ધ છે અને આ સંદર્ભે ઉમેદવારોને પરીક્ષા અંગે સચોટ માર્ગદર્શન મળી રહે તે માટે ગુજરાત પોલીસ દ્વારા વિડીયો સીરીઝ તૈયાર કરવામાં આવી છે.
જેમાં ઉમેદવારો કોઈપણ અફવા લેભાગુ તત્વોની ચુંગાલમાં ન ફસાય અને પોતાના ધ્યેય પર મકકમ રહે તેના માટે પોલીસ ભરતી બોર્ડના અધ્યક્ષ અને લોકરક્ષક ભરતી બોર્ડનાં અધ્યક્ષના માર્ગદર્શન હેઠળ છેલ્લી એલઆરડી અને પીએસઆઈ પરીક્ષામાં ઉતીર્ણ થયેલા ઉમેદવારોના મંતવ્ય ઉચ્ચ પોલીસ અધિકારીઓના મંતવ્ય, પોલીસ દ્વારા ચલાવાતી વિવિધ પરીક્ષા માર્ગદર્શન કેન્દ્રો અને ઉમેદવારોના મંતવ્યો લેવાયા છે.
ગૃહ વિભાગના અધિક મુખ્ય સચિવ રાજીવ ગુપ્તાએ જણાવ્યું હતું કે, રાજયમાં ગુણવતાયુક્ત પોલીસ બળ મળે તે માટે ગૃહ વિભાગ દ્વારા સંપૂર્ણ પારદર્શી રીતે ભરતી પ્રક્રિયા હાથ ધરવામાં આવી છે. રાજયના ડી.જી.પી. ભાટીયાએ જણાવ્યું હતું કે ગૃહ વિભાગ દ્વારા ભરતીની પ્રક્રિયા સંપૂર્ણ પારદર્શી રીતે યોજાઈ રહી છે. આ તકે પીએસઆઈ ભરતી બોર્ડના ચેરમેન વિકાસ સહાય, એલઆરડી બોર્ડના ચેરમેન એચ.એસ.પટેલે પ્રાસંગીક ઉદબોધનો કર્યા હતાં.
