Total Users : 9751
Total views : 11415
Who's Online : 0
રીતેશ પરમાર (ક્રાઈમ રીપોર્ટર )
નાતાલ તથા થર્ટીફસ્ટની ઉજવણી માટે લવાતો દારૂ શહેર પીસીબી શાખાએ પકડી પાડ્યો
પીસીબીએ કુલ રૂ 1.66 લાખનો વિદેશી દારૂનો જથ્થો પકડી પાડ્યો હતો
એક શખ્સ પકડાયો જ્યારે એકને વોન્ટેડ જાહેર કરી પોલીસે આગળી કાર્યવાહી હાથ ધરી
આગામી દિવસોમાં નાતાલ અને થર્ટીફસ્ટના તહેવારો આવી રહ્યા છે. ત્યારે આ દરમિયાન દારૂના શોખીનોને દારૂ પુરૂ પાડવા બૂટલેગરો દ્વારા અવનવા કીમીયાઓ અપનાવવામાં આવી રહ્યા છે. જો કે આવનાર તહેવારોને અનુલક્ષી પોલીસે દારૂની હેરાફેરી કરતા બૂટલેગરો પર લાલ આંખ કરી છે. આજે શહેરની પીસીબી પોલીસે રૂ.1.66 લાખની કિંમતનો વિદેશી દારૂનો જથ્થો પકડી પાડ્યો હતો. અને જે અંગે વારસીયા પોલીસ સ્ટેશનમાં ગુનો નોંધી કાર્યવાહી હાથ ધરી હતી.
નાતાલ અને થર્ટીફસ્ટને ધ્યાને લઈ વડોદરા શહેર પોલીસે આ તહેવારો દરમિયાન કોઈ અનિચ્છનિય બનાવ ન બને તેની માટે પ્લાન તૈયાર કર્યો છે. પોલીસ ડ્રોન સહિતની ચીજ વસ્તુઓથી તહેવારના સમયે જાહેર સ્થળોએ નજર રાખશે. ઉપરાંત શી-ટીમ અને અન્ય પોલીસ કર્મીઓ મોડી રાતે ફરવા નકળતા લોકો ઉપર ખાસ નજર રાખશે અને તેમનું ચેકીંગ પણ હાથ ધરશે. જો કે આ દરમિયાન દારૂની હેરાફેરી કરતા લોકો સામે પણ ખાસ નજર રાખવામાં આવશે.
ત્યારે આજે શહેરની પીસીબી પોલીસને બાતમી મળી હતી કે, એક કારમાં ઈંગલીશ દારૂની બોટલ તથા પાઉચ લઈ જવામાં આવી રહ્યો છે. જે બાતમીના આધારે પોલીસે તપાસ કર્યા બાદ કારને કિશનવાડી યોગીનગર પાસેથી પકડી પાડી હતી. કારની તપાસ કરતા તેમાથી વિદેશી દારૂની બોટલો-પાઉચ નંગ 1664, રૂ.1.66 લાખની કિંમતના મળી આવ્યા હતા. જ્યારે કારમાંથી આનંદ કિશનભાઈ કહાર (રહે, યોગીનગર વડોદરા)ને પોલીસે દબોચી લીધો હતો.
તપાસ દરમિયાન આ દારૂ આવનાર તહેવારની ઉજવણી માટે લાવવામાં આવ્યો હોવાનું પોલીસને જાણવા મળ્યુ હતું. જો કે આ દારૂની હેરાફેરીમાં ધર્મેશ ઉર્ફે ધમો રમણભાઈ પરમાર (રહે, નાગરવાડા નવીધરતી વડોદરા)પણ સંડોવાયેલ હોવાનું જાણ થતા પોલીસે તેને વોન્ટેડ જાહેર કર્યો હતો. બીજી બાજુ પકડાયેલ આનંદ અગાઉ શહેરના અનેક પોલીસ સ્ટેશનનોમાં જુગાર અને પ્રોહિબીશન જેવા ગુનામાં પકડાય ચુક્યો છે. આ મામલે તેને દારૂ લાવવા કારમાં ડમી નંબર પ્લેટ લગાડી હતી. જે પોલીસે કબ્જે લીધી છે. તેમજ દારૂ, કાર, સહિત કુલ રૂ. 4.61 લાખનો મુદ્દામાલ કબ્જે કર્યો છે.
