Total Users : 13148
Total views : 15389
Who's Online : 4
રીતેશ પરમાર (ક્રાઈમ રીપોર્ટર )
ડાયમંડ સિટી ગણાતું સુરત શહેર જાણે ક્રાઈમ સિટી બનવા તરફ આગળ વધી રહ્યું હોય તેવુ લાગી રહ્યુ છે. સુરતમાં છેલ્લા ઘણા સમયથી કાયદો અને વ્યવસ્થાની સ્થિતિ દિવસને દિવસે કથળતી જોવા મળી રહી છે.
જાહેરમાં હુમલો કરવાના બનાવમાં સતત વધારો થઇ રહ્યો છે, ત્યારે પોલીસ પ્રશાસન પર અનેક પ્રશ્નો ઉદભવી રહ્યા છે. તેવામાં સુરતના સિંગણપોર વિસ્તારમાં યુવક પર ઘાતકી હુમલો થતા સમગ્ર વિસ્તારમાં ચકચાર મચી જવા પામી છે.
આ સમગ્ર ઘટના અંગે યુવકે પોલીસ ફરિયાદ નોંધાવતા આગળની તપાસ હાથ ધરવામાં આવી છે.
મળતી માહિતી મુજબ, શહેરના સિંગણપોર વિસ્તારની પંચવટી સોસાયટી બહાર એક યુવક પર હુમલો થયા હોવાના સમાચાર સામે આવી રહ્યા છે. બાળક સાથે મોર્નિંગ વોક પર નીકળેલા યુવક પર ચપ્પુ વડે અજાણ્યા શખ્સો દ્વારા હુમલો કરવામાં હતો. આ મામલે યુવકે સ્થાનિક પોલીસ સ્ટેશનમાં અજાણ્યા શખ્સો સામે ગુનો નોંધાવ્યો છે.
યુવકના કહ્યા અનુસાર, મોપેડ પર આવેલા ત્રણ શખ્સોએ કહ્યું કે, તે મારી સાથે ગાડી ઠોકી છે એમ કહીને ચપ્પુના ઘા ઝીક્યા હતા. આ સમગ્ર ઘટના સીસીટીવીમાં કેદ થઇ છે. યુવકે આ ઘટના અંગે પોલીસ ફરિયાદ નોંધાવતા સિંગણપોર પોલીસએ સીસીટીવીના આધારે હુમલાવરોની શોધખોળ શરુ કરી છે.
