Total Users : 9769
Total views : 11438
Who's Online : 0અહેવાલ- રીતેશ પરમાર
ચાંદખેડા પોલીસે પેટ્રોલિંગ દરમ્યાન સધી માતા રોડ ચંપાવત ફાર્મ નજીકથી જાહેર રોડ ઉપર મેસ્ટ્રો સ્કૂટર ઉપર આવતા બે શખ્સોને ગાંજાના જથ્થા સાથે ઝડપી પાડ્યા હતા.બંને શખ્સો વિરૃદ્ધ ચાંદખેડા પોલીસ સ્ટેશનમાં NDPS એક્ટ મુજબ ગુનો નોંધાયો છે.
આ અંગેની વિગત એવી છે કે, ચાંદખેડા પોલીસ સ્ટેશન PSI શ્રી વી.જી. ડાભી તેમજ અ.પો. કો રજનીશ હરિભાઈ અને સર્વેલન્સ સ્કોડના માણસો પેટ્રોલિંગમાં હતા તે દરમ્યાન સધીમાતા રોડ ઉપર એક મેસ્ટ્રો સ્કૂટર ઉપર બે શખ્સો વચ્ચે પ્લાસ્ટિકનો પીળા કલરનો થેલો રાખી ત્યાંથી પસાર થઈ રહ્યા હતા.પેટ્રોલિંગમાં હાજર PSI વી. જી. ડાભીને સ્કૂટર સવાર ચાલકની હિલચાલ શંકાસ્પદ જણાઈ આવતા તેને રોકી તેમની પૂછપરછ કરી હતી.તે દરમ્યાન તેમની પાસે રહેલા પીળા કલરના થેલાને નીચે થી કાપીને જોતા તેમાં વનસ્પતિ જન્ય માદક પદાર્થ ગાંજાનો જથ્થો મળી આવ્યો હતો.
ગાંજાના મોટા જથ્થા સાથે આરોપીઓ ને ચાંદખેડા પોલીસ સ્ટેશન લઈ જઈ કડક પૂછપરછ હાથ ધરતા એક આરોપી કમલેશ લછુજી રેગરે કબૂલાત કરી હતી કે તેઓ આ ગાંજાનો જથ્થો રાજસ્થાનના ભીલમાલ કરેડથી લઈને અમદાવાદ આવ્યો હતો.જયારે બીજો આરોપી (રિસીવર) કિશનલાલ માંગીલાલ રેગર રાજસ્થાનથી ગાંજાનો જથ્થો લઈને આવતા મુખ્ય આરોપી કમલેશ રેગરને પોતાના સ્કૂટર ઉપર બેસાડી માલ સગે વગે કરવા ચાંદખેડા ખાતેના સધીમાતા રોડ ઉપર થી પસાર થઈ રહ્યા હતા તે દરમ્યાન ચાંદખેડા પોલીસે બંને આરોપીઓને દબોચી લીધા હતા.
ઝડપાયેલા બંને આરોપીઓ પાસેથી ચાંદખેડા પોલીસે પ્લાસ્ટિકના પીળા કલરના થેલા માંથી 14 કિલો 250 ગ્રામ માદક પદાર્થ ગાંજાનો જથ્થો કિ, 1,42,500 બે મોબાઈલ ફોન કિ, 10,000 એક મેસ્ટ્રો સ્કૂટર કિ, 20,000 મળી કુલ 1,72,830 નો મુદ્દામાલ જપ્ત કરવામાં આવ્યો હતો.આ બંને આરોપીઓ માંથી એક આરોપી કિશનલાલ માંગીલાલ રેગર અમદાવાદ ખાતેના રાણીપ અને અન્ય એક આરોપી કમલેશ લછુજી રેગર રાજસ્થાનના ભીલવાડા ખાતે રહેતા હોવાનું જાણવા મળ્યું હતું. હાલ ચાંદખેડા પોલીસે બંને આરોપીઓ સામે NDPS એક્ટ હેઠળ ગુનો નોંધી આગળની કાર્યવાહી હાથ ધરી છે.
