Total Users : 25
Total views : 93
Who's Online : 0
અહેવાલ – રીતેશ પરમાર
બનાસકાંઠાના ભાભર તાલુકાના મીઠા ગામે યુવક અને યુવતીએ ગળે ફાંસો ખાઈ જીવન ટૂંકાવ્યુ હોવાની ઘટના સામે આવી છે. મીઠા ગામની થળીમાં અવાવરું જગ્યાએ એક ઝાડ પર ફાંસો ખાઈને યુવક અને યુવતીએ અગમ્ય કારણોસર આપઘાત કરી લીધો હતો. ઘટનાની જાણ થતા પોલીસ અને ગ્રામજનો ઘટના સ્થળે દોડી આવ્યા હતા. આ અંગે સ્થાનિક પોલીસે ગુનો નોંધી આગળની કાર્યવાહી હાથ ધરી છે.
આ ઘટના અંગેની મળતી માહિતી મુજબ, મીઠા ગામની થળીમાં અવાવરું જગ્યાએ યુવક અને યુવતીએ કોઈ અગમ્ય કારણોસર પોતાના ગળે ફાંસો ખાઈને આત્મહત્યા કરીને મોતને વહાલ કર્યું હતું. આજુબાજુના ખેતરોમાં રહેતા લોકો ઢોર ઢાકર ચરાવવા જતા હતા તે દરમિયાન જાણ થતા ત્યાં ટોળે ટોળા એકઠા થયા હતા. પોલીસને જાણ થતા ઘટના સ્થળે આવી પહોંચી હતી.
આ બાદ તપાસમાં આ બંને વ્યક્તિ યુવક અને યુવતી પાટણ જિલ્લાના રાંધણપુર તાલુકાના નાનાપરા ગામના કાજલબેન દલાભાઈ ઠાકોર તથા શૈલેષભાઈ વાલાભાઈ ઠાકોર હોવાનું સામે આવ્યું હતું. પોલીસે આ બંનેની લાશને પોસ્ટ માર્ટમ માટે ભાભરની રેફરલ હોસ્પિટલમાં મોકલી આપી હતી. પોલીસ તપાસ બાદ ઘટનાની વધુ જાણ થતા મૃતકના પરિવારના લોકો ઘટના સ્થળે દોડી આવ્યા હતા. હાલ આ સમગ્ર મામલે પોલીસે ગુનો નોંધી આગળની કાર્યવાહી હાથ ધરી છે.
