🚨 ખાખી શરમાઈ! ‘જે થાળીમાં ખાધું તેમાં જ છિદ્ર કર્યું’: દુષ્કર્મના આરોપી સગાને ભગાડવા અમદાવાદના ASI એ રચી ફિલ્મી સ્ક્રિપ્ટ, CCTV એ ખોલ્યો ભાંડો!

અહેવાલ-રીતેશ પરમાર(સિનિયર જર્નાલિસ્ટ)

💥 હેડલાઈન ન્યૂઝ:

• રક્ષક જ બન્યા ભક્ષક: જેલ ભેગા કરવાને બદલે સગાને રિક્ષામાં બેસાડી વસ્ત્રાલમાં ફરાર કરાવી દીધો!
• ખોટી વાર્તા ફ્લોપ: “દૂધેશ્વર ટ્રાફિકમાં આરોપી ભાગ્યો” એવો કંટ્રોલ રૂમમાં ખોટો મેસેજ આપ્યો, પણ મોબાઈલ લોકેશને પાપ છતું કર્યું.
• કાયદાનો સકંજો: માધવપુરા પોલીસે કાવતરાખોર ASI રાજેશ દયારામ સામે ગુનો નોંધી જેલના સળિયા પાછળ ધકેલ્યો.

અમદાવાદ:
અમદાવાદ પોલીસ બેડામાં ખાખી વર્ધીને કાળી ટીલી લગાવતો એક સળગતો અને ચોંકાવનારો કિસ્સો પ્રકાશમાં આવ્યો છે. ગુનેગારોને પકડીને જેલના સળિયા પાછળ ધકેલવાની જેની પ્રાથમિક ફરજ છે, તેવા એક કસ્ટડી પેરોલ સ્ક્વોડના એએસઆઈ (ASI) એ જ લોહીના સંબંધ ખાતર કાયદાના લીરેલીરા ઉડાવી દીધા છે. નરોડા પોલીસ સ્ટેશનમાં નોંધાયેલા એક સગીરા પરના દુષ્કર્મના ગંભીર ગુનાના આરોપી સગાને ભગાડવા માટે ASI રાજેશ દયારામે આખું ષડયંત્ર રચ્યું હતું, પરંતુ સીસીટીવી (CCTV) અને ટેકનિકલ સર્વેલન્સે આ હરકતનો પર્દાફાશ કરી દીધો છે.

🏥 હોસ્પિટલમાંથી ડિસ્ચાર્જ મળતા જ શરૂ થયો ખેલ

ઘટનાની વિગત એવી છે કે, નરોડામાં સગીરા પર દુષ્કર્મ આચરવાના કેસમાં સાબરમતી સેન્ટ્રલ જેલમાં બંધ કાચા કામના કેદી (આરોપી) ની તબિયત લથડતાં તેને સારવાર માટે અસારવા સિવિલ હોસ્પિટલના કેદી વોર્ડમાં દાખલ કરવામાં આવ્યો હતો. આ આરોપી સંબંધમાં અમદાવાદ પોલીસની કસ્ટડી પેરોલ સ્ક્વોડમાં ફરજ બજાવતા ASI રાજેશ દયારામનો સગો થતો હતો.

સારવાર પૂર્ણ થતાં ડૉક્ટરોએ આરોપીને જેલ ભેગો કરવા માટે ડિસ્ચાર્જ આપ્યો હતો. નિયમ મુજબ ASI રાજેશ દયારામે તેને હોસ્પિટલથી સીધો સાબરમતી જેલમાં પહોંચાડવાનો હતો. પરંતુ, રાજેશે સરકારી ફરજને નેવે મૂકીને ગુનેગાર સગાને બચાવવાનો કારસો ઘડ્યો.

🚖 જેલને બદલે વસ્ત્રાલનો રસ્તો પકડ્યો!

ASI રાજેશ દયારામે કાયદાની આંખમાં ધૂળ નાખતા આરોપીને કોઈ સરકારી વાન કે સુરક્ષિત વાહનમાં બેસાડવાને બદલે એક ખાનગી રિક્ષા ભાડે કરી લીધી. જેલ તરફ જવાને બદલે તે રિક્ષા લઈને સીધો વસ્ત્રાલ વિસ્તાર તરફ રવાના થઈ ગયો. ત્યાં જઈને તેણે પોતાના સગા એવા દુષ્કર્મના આરોપીને કાયદાની પકડમાંથી મુક્ત કરી, હેમખેમ ભાગી છૂટવામાં સીધી મદદ કરી દીધી.

📞 પોલીસ કંટ્રોલ રૂમને ગેરમાર્ગે દોરવા ફિલ્મી સ્ક્રિપ્ટ રચી

આરોપી સુરક્ષિત જગ્યાએ ફરાર થઈ ગયા બાદ, પોતાનો બચાવ કરવા અને પોલીસ તંત્રને ગુમરાહ કરવા ASI રાજેશે મોડી સાંજે પોલીસ કંટ્રોલ રૂમ (PCR) ને ફોન કરીને એક મનઘડંત વાર્તા કહી. તેણે ધ્રૂજતા અવાજે મેસેજ આપ્યો કે:

“હું કેદીને સિવિલથી જેલ લઈ જઈ રહ્યો હતો, ત્યારે દૂધેશ્વર સર્કલ પાસે ભારે ટ્રાફિક જામ હતો. આ ટ્રાફિકનો લાભ ઉઠાવીને આરોપી મારી નજર ચૂકવીને અને ચકમો આપીને ભીડમાં ગાયબ થઈ ગયો છે!”

દુષ્કર્મ જેવો ગંભીર આરોપી પોલીસ કસ્ટડીમાંથી ભાગી જવાની વરદી મળતા જ ઉચ્ચ પોલીસ અધિકારીઓ સહિત માધવપુરા પોલીસ સ્ટેશનનો કાફલો તાત્કાલિક દૂધેશ્વર સર્કલ તરફ દોડ્યો હતો.

🔍 CCTV અને મોબાઈલ લોકેશને ખોલી નાખી પોલ!

માધવપુરા પોલીસે દૂધેશ્વર સર્કલ પર પહોંચીને જ્યારે આસપાસના તમામ સીસીટીવી (CCTV) કેમેરા ખંખાડ્યા, ત્યારે પોલીસ પણ સ્તબ્ધ થઈ ગઈ. ASI એ જે સમય આપ્યો હતો તે સમયે દૂધેશ્વર સર્કલ પર આવી કોઈ ઘટના જ બની નહોતી, કે ના તો ત્યાં રિક્ષામાં ASI કે આરોપી દેખાયા હતા.

પોલીસને ASI રાજેશ પર શંકા જતાં તાત્કાલિક તેના મોબાઈલ ફોનનું ટેકનિકલ લોકેશન (CDR) ચેક કરવામાં આવ્યું. લોકેશન ચેક કરતાં જ મોટો ભાંડો ફૂટ્યો; જે સમયે ASI પોતે દૂધેશ્વર હોવાનો દાવો કરતો હતો, તે સમયે તેનું લાઈવ લોકેશન વસ્ત્રાલનું બતાવતું હતું!

આ પાકા પુરાવા મળતા જ માધવપુરા પોલીસે ASI રાજેશ દયારામને કસ્ટડીમાં લઈ આગવી ઢબે પૂછપરછ શરૂ કરી. પોલીસના આકરા સવાલો સામે ASI ના હોશ ઊડી ગયા અને આખરે તેણે કબૂલાત કરી લીધી કે, આરોપી તેનો સગો હોવાથી તેણે પોતે જ પ્લાન પૂર્વક તેને વસ્ત્રાલ લઈ જઈને ભગાડી દીધો હતો.

⚖️ ખાખી દાગીદાર: ASI જેલ ભેગો

કાયદા રક્ષકમાંથી ગુનેગાર બનેલા ASI રાજેશ દયારામ અને તેને મદદ કરનાર અન્ય એક સાગરીત સામે માધવપુરા પોલીસ સ્ટેશનમાં ગુનો નોંધીને તેમની ધરપકડ કરી લેવામાં આવી છે. પોલીસ વિભાગની આબરૂના ધજાગરા ઉડાવનાર આ કર્મચારી સામે કડક ખાતાકીય પગલાં અને સસ્પેન્શનની પ્રક્રિયા પણ શરૂ કરાઈ છે. બીજી તરફ, કસ્ટડીમાંથી ફરાર થયેલા દુષ્કર્મના અસલી આરોપીને ઝડપી પાડવા માટે પોલીસે અલગ-અલગ ટીમો બનાવી ચક્રો ગતિમાન કર્યા છે.