Total Users : 25
Total views : 93
Who's Online : 0
રીતેશ પરમાર (ક્રાઈમ રીપોર્ટર )
પોકસો સહિતની કલમ હેઠળ ગુન્હો નોંધી શિક્ષકને ઝડપી લેવા પોલીસે હાથ ધરી કાર્યવાહી
વલ્લભીપુર તાલુકાના પાટણા ગામની સરકારી શાળામાં અભ્યાસ કરતી બાર વર્ષીય એક વિદ્યાર્થિનીએ તેના શિક્ષક શારીરિક અડપલાં કરતા હોવાની કરેલી વાત બાદ શિક્ષક સામે ફરિયાદ નોંધાવાઇ છે.
આ અંગે મળતી વિગતો મુજબ વલ્લભીપુર તાલુકાના પાટણા ગામની સરકારી શાળાનો શિક્ષક છેલ્લા છ માસથી એક બાર વર્ષની વિદ્યાર્થિની સાથે શારીરિક અડપલાં કરતો હોવાથી બાળકી હેબતાયેલી રહેતી હતી.
બાળકી ઘેર ગયા બાદ પણ સતત ગુમસુમ રહેતી હોવાથી અને વ્યવસ્થિત જમતી પણ ન હોવાથી તેની માતાએ સમજાવટપૂર્વક પૂછતાં બાળકીએ , ગિરીશ સાહેબ મારા શરીર સાથે ગંદુ વર્તન કરે છે. તેમ જણાવેલ. બાળકીની વાત સાંભળીને માતાના પગ હેઠળથી જમીન સરકી ગઈ હતી. તેણીએ તત્કાલ પરિજનોને સાથે રાખીને વલ્લભીપુર પો. સ્ટે.માં પાટણા ગામની સરકારી શાળાનામાં નોકરી કરતો અને મૂળ બાવળા ગામનો આશરે 35 વર્ષીય તથા અવિવાહિત શિક્ષક ગિરીશ સામે પોક્સો સહિતની વિવિધ કલમો હેઠળ ગુન્હો દાખલ કરાવતા વલ્લભીપુર તાલુકા ઇન્ચાર્જ આર.વી. ભીમાણીએ શિક્ષક ગિરીશને ઝડપી પાડવાની કવાયત હાથ ધરી છે.
બનાવને પગલે સમગ્ર ગામ સહિતના સ્થાનિક વિસ્તારના લોકો શિક્ષક સામે ફિટકાર વરસાવી રહ્યા છે અને આરોપીને ઝડપી તેને કડકમાં કડક દાખલરૂપ સજા મળે એવી લોક લાગણી પ્રબળ બની છે. બનાવ અંગે પીએસઆઈ ચુડાસમા વધુ તપાસ હાથ ઘરી છે.
