Total Users : 107
Total views : 206
Who's Online : 0
વડોદરા શહેરમાં એક ચોકાવનારી ઘટના સામે આવી રહી છે. જેમાં ધોરણ 7 માં ભણતા માસુમ બાળકોના સ્કૂલ બેગમાંથી દારૂની બોટલ અને સિગારેટ મળી આવ્યા હતા. આ ઘટના વિશે વધુ મળતી માહિતી અનુસાર વડોદરાના સમા-સાવલી રોડ પર આવેલી ખ્યાતનામ અંબે વિદ્યાલયના વિદ્યાર્થીઓ પાસેથી દારૂની બોટલ અને સિગારેટ મળી આવ્યા છે. ધોરણ 7 માં ભણતા 4 વિદ્યાર્થીઓના બેગમાંથી દારૂ અને સિગારેટ મળી આવતા શિક્ષણ જગત અને વાલીઓમાં રોષની લાગણી સાથે ચિંતા પ્રસરી ઉઠવા પામી હતી. ત્યારે સવાલ એ થાય છે કે, આવા નાના નિર્દોષ બાળકોના ભવિષ્ય સાથે કોણ ચેડા કરી રહ્યું છે. તેની તપાસ કરવાની માંગ પણ ઉઠી છે.
વિદ્યાર્થીઓની બેગમાંથી દારૂની બોટલ અને સિગારેટ મળી આવતા અન્ય વાલીઓમાં ભારે રોષ જોવા મળ્યો હતો. વાલીઓએ આ વિદ્યાર્થી સામે કડક પગલા લેવા માટે રજૂઆત કરી હતી. વાલીઓની રજૂઆત બાદ શાળાના સંચાલક દ્વારા ચારેય વિદ્યાર્થીઓને સસ્પેન્ડ કરી દેવામાં આવ્યા છે. એક વાલીએ જણાવ્યું હતુ કે, ગુજરાતમાં શાળા સુધી નશાનું કલ્ચર ધૂસી ગયું છે, જે વાલીઓ માટે ચિંતાનો વિષય બન્યો છે, વિદ્યાર્થીઓ દારૂ અને સિગારેટ ક્યાંથી લાવ્યા હતા તેની તપાસ થવી જોઈએ અને ભુલ કરનારા બાળકોનું કાઉન્સિલિંગ થવું જોઈએ.
