Total Users : 112
Total views : 213
Who's Online : 0
રીતેશ પરમાર ( ક્રાઈમ રીપોર્ટર )
1985 બેચના આઈપીએસ અધિકારી અને રાજ્યના પોલીસ વડા આશિષ ભાટિયાનો કાર્યકાળ પૂરો થયો હોય અને તે નિવૃત્ત થઈ રહ્યા છે.ત્યારે તેમને બે મહિનાનું એક્સ્ટેન્શન અપાયું છે. આશિષ ભાટિયાને એક્સ્ટેન્શન મળતા રાજ્યના નવા પોલીસ વડાની જવાબદારી કોને સોંપવામાં આવશે તેને લઈ ચર્ચા ઉપર બે માસ સુધી પૂર્ણવિરામ મુકાયું છે.
રાજ્ય પોલીસ વડા આશિષ ભાટિયાનો કાર્યકાળ 31 માર્ચના રોજ પૂરો થવાનો હતો અને નવા પોલીસ વડા માટે બે નામ ચર્ચામાં હતી જેમાં ટીએસ બિશ્ત અને અમદાવાદના પોલીસ કમિશ્નર સંજય શ્રીવાસ્તવનું નામ આગળ હતું. ટીએસ બિશ્ત પણ આશિષ ભાટિયાની જેમ 1985ની બેચના આઈપીએસ અધિકારી છે, જ્યારે સંજય શ્રીવાસ્તવ 1987 બેચના અધિકારી છે. મહત્વનું છે કે, ચાલુ વર્ષે ડિસેમ્બર પહેલા રાજ્યમાં વિધાન સભાની ચૂંટણી યોજાય તેવી શક્યતા છે, તેવામાં રાજ્યના પોલીસ વડા ભાટિયા તેમની નાદુરસ્ત તબિયત ને કારણે 31 માર્ચના રોજ નિવૃત્ત થશે તેવી ચર્ચા ઘણા સમયથી ચાલી રહી હતી.ત્રણ દિવસ બાદ તેમનો કાર્યકાળ પૂર્ણ થઈ રહ્યો હોય તેવામાં હવે તેમને બે મહિનાનું એક્સ્ટેન્શન અપાયું છે.
