Total Users : 115
Total views : 217
Who's Online : 0
રીતેશ પરમાર ( ક્રાઈમ રીપોર્ટર )
અમદાવાદમાં દિવસેને દિવસે ક્રાઈમની ઘટના સામે આવી રહી છે. શહેરમાં નકલી પોલીસ બની લોકો પાસેથી તોડપાણીની પણ ઘટનાઓ સામે આવી રહી છે.
ત્યારે આવી જ એક ઘટના ગતરોજ અમદાવાદના વેજલપુરમાં સામે આવી હતી, જ્યાં બે આરોપીઓએ નકલી પોલીસ બનીને એક યુવક પાસેથી રોકડ રકમની લૂંટ ચલાવી હતી. ત્યારે વેજલપુર વિસ્તારમાં નકલી પોલીસ બનીને લૂંટ ચલાવનાર આરોપીને ગણતરીના કલાકોમાં જ પોલીસે ઝડપી પાડ્યો છે.
વેજલપુર વિસ્તારમાં ગઈકાલે આરોપી મહંમદ હમજા અને અન્ય એક સાગરિત સાથે મળીને નકલી પોલીસ બની તીક્ષ્ણ હથિયાર બતાવીને યુવક પાસેથી ૧૮૫૦૦ની લૂંટ ચલાવી ફરાર થઈ ગયા હતા.
જે બાદ આરોપીઓને પકડવા માટે પોલીસ વોચ ગોઠવી હતી અને ગણતરીના કલાકોમાં જ બે આરોપીઓમાંથી એકની ધરપકડ કરી લીધી છે, જ્યારે અન્ય એકને શોધવાની તજવીજ હાથ ધરાઈ છે. આરોપીની નકલી પોલીસ બનીને લૂંટ કરતા ગુનામાં પોલીસે ધરપકડ કરી છે.
આરોપીના માથામાં વાળ નથી પરંતુ નકલી પોલીસ બનીને લૂંટ કરવા જતી વખતે માથામાં લાંબા વાળ રાખતો હતો. લૂંટને અંજામ આપી દીધા બાદ આરોપી માથામાં મુંડન કરાવીને ખુલ્લેઆમ ફરતો હતો. વેજલપુર વિસ્તારમાં ગઇકાલે આરોપી મહંમદ હમજા અને અન્ય એક સાગરિત સાથે મળીને નકલી પોલીસ બની છરી બતાવીને યુવક પાસેથી 18500ની લૂંટ ચલાવી ફરાર થઇ ગયા હતા. હાલ પોલીસે મહંમદ હમજાની ધરપકડ કરી તેના સાગરીતની શોધખોળ હાથ ધરી છે.
