Total Users : 113
Total views : 215
Who's Online : 0
ટંકારાના મીતાણા નજીકથી રાજકોટ આવતા દારૂ ભરેલા ટ્રકને ક્રાઈમ બ્રાંચની ટીમે પકડી પાડી રૂા. 45.72 લાખનો મુદ્દામાલ કબ્જે કરી એકની ધરપકડ કરી છે. જ્યારે દારૂ મંગાવનાર, મોકલનાર ટ્રક માલિક સહિત પાંચ સામે ફરિયાદ નોંધી ઝડપી લેવા માટે કાર્યવાહી હાથ ધરી છે.
મળતી માહિતી અનુસાર, મોરબી એલસીબીએ ટંકારા તરફથી રાજકોટ તરફ જતા ટ્રક નંબર ૠઉં-24-ટ-8975 ને રોકી તલાશી કરતા તેમાથી રૂપિયા 35,64,660 ની કિમતની અલગ બ્રાન્ડની 11460 બોટલ દારૂ તેમજ ટાટા કંપનીનું રૂ.10,00,000/- ની કિંમતનું ટ્રક, એક મોબાઇલ તથા રોકડા રૂપીયા-14,200/- તથા અન્ય મુદામાલ મળી કુલ કિ.રૂ.45,72,400/- ના મુદામાલ સાથે બુધારામ કાનારામજી બાબલે (રહે. બાલાજીનગર ગુડાબિશ્નોઇયાન પોસ્ટ, થાણુ ગુર તા.લુબન જિ.જોધપુર (રાજસ્થાન)) નામનો ઈસમ મળી આવતા તેને પકડી પાડી ટંકારા પોલીસ સ્ટેશનમાં પ્રોહીબીશન ધારા તળે ધોરણસરની કાર્યવાહી હાથ ધરેલ છે. તેમજ સુરેશ (રહે. ચિતલવાના/સોચૌર (રાજસ્થાન) તથા માલ મોકલનાર તથા માલ મંગાવનાર તથા ટ્રક માલીક વિરુદ્ધ પણ ગુનો નોંધી તમામ વિરુદ્ધ કાયદેસરની કાર્યવાહી હાથ ધરવામાં આવી છે.
