Total Users : 113
Total views : 214
Who's Online : 0
રીતેશ પરમાર ( ક્રાઈમ રીપોર્ટર )
ગુજરાતમાં આઈપીએસમાં લાંબા સમયથી રાહ જોવાતી બદલીમાં આજે સતાવાર ઓર્ડર નીકળ્યા બાદ હવે સાંજ સુધીમાં આઈજી, ડીઆઈજી અને એડી.ડીજી કક્ષાના અધિકારીઓની બદલીના ઓર્ડર આવવાની શકયતા ઉચ્ચ વર્તુળોએ દર્શાવી છે. હાલ ગાંધીનગરમાં સ્વર્ણિમ સંકુલમાં મુખ્યમંત્રી કાર્યાલયમાં આ અંગેની બેઠક ચાલુ છે અને આઈજી, ડીઆઈજી તથા એડી.ડીજી ના બદલી અને સંભવત: એકાદ બે બઢતીના ઓર્ડર આવશે.
જેમાં રાજકોટના નવા પોલીસ કમિશ્નર અને રાજકોટ રેન્જના નવા ડીઆઈજીની પણ નિમણુંકની તૈયારી છે જેમાં હાલ બે નામ બોલાઈ રહ્યા છે. પ્રથમ નામ રાજુ ભાર્ગવ કે જેઓ હથિયારધારી એકમમાં એડીજી આર્મ્સ યુનીટમાં ફરજ બજાવે છે તે ઉપરાંત રાજકોટમાં ફરજ બજાવતા એડીજી આર્મ્સ યુનીટના પ્રફુલકુમાર રોશનનું નામ ચર્ચામાં હોવાનું માનવામાં આવે છે.
શ્રી રોશન ડેપ્યુટેશનમાંથી પરત આવ્યા બાદ તેઓને પ્રમોશન આપવામાં આવ્યું હતું અને રાજકોટમાં આર્મ્સ યુનીટના એડીજી તરીકે મુકાયા હતા. બીજી તરફ ગાંધીનગરમાં એક નવી રેન્જ ઉભી કરાઈ છે અને ત્યાં પણ નવા અધિકારીની નિયુક્તિ થશે. રાજકોટના રેન્જ આઈજી સંદીપકુમારની પણ બદલીની તૈયારી છે અને ત્યાં પણ નવા અધિકારીને નિયુક્તિ અપાશે. આ ઉપરાંત રાજયમાં સીનીયર અધિકારીઓમાં પણ અનેક ફેરફારો તોળાઈ રહ્યા છે.
