Total Users : 112
Total views : 212
Who's Online : 0
રીતેશ પરમાર
રાજ્ય અને કેન્દ્ર સરકાર ડિજિટલ શિક્ષણ પર ભાર આપી રહી છે. પરંતુ ગ્રામીણ અને અંતરિયાળ વિસ્તારમાં શાળાઓની સ્થિતિ દયનીય છે. બનાસકાંઠા જિલ્લામાં 48 શાળાઓ એવી છે કે જેમાં બાળકોને બેસવા માટે એક એરડાની પણ વ્યવસ્થા નથી.
વાલીઓનું આ મામલે કહેવું છે કે, કોવિડના કારણે શાળાઓ બંધ રહેવાથી ઓનલાઈન અભ્યાસ શરૂ છે પરંતુ શાળાઓ શરૂ થાય તો બાળકો ક્યાં બેસીને અભ્યાસ કરશે તે એક સવાલ છે?
બનાસકાંઠા જિલ્લામાં 1100 જેટલી પ્રાથમિક શાળાઓમાં 3 લાખથી વધુ બાળકો અભ્યાસ કરે છે. ત્યારે જિલ્લાની 48 શાળાઓમાં બાળકોને બેસવા માટે ઓરડા ન હોવાની ચોંકાવનારી માહિતી સામે આવી છે.
આ શાળાઓ એવી છે જેમાં ઓરડા ક્ષતિગ્રસ્ત થઈ ગયા હોવાના કારણે ઉતારી લેવામાં આવ્યા છે. આ પછી અનેક શાળાઓ એવી છે જ્યાં હજી ઓરડા બાંધવાની કામગીરી પણ શરૂ કરવામાં આવી નથી.
ઓરડાની ઘટ મામલે જિલ્લા પ્રાથમિક શિક્ષણ અધિકારીએ જણાવ્યું કે, આ મામલે સરકારના ઉચ્ચ અધિકારી અને પદાધિકારીનું ધ્યાન દોરવામાં આવ્યું છે. સરકારના નવા બજેટમાં આ મામલે ધ્યાન દોરીશું.
