Total Users : 115
Total views : 218
Who's Online : 0
રીતેશ પરમાર (ક્રાઈમ રીપોર્ટર )
જૂનાગઢ એલસીબી પોલીસે કેદી જાપ્તા ની સરકારી બસ માંથી વિદેશી દારૂ ઝડપી ડ્રાઈવર સામે ગુનો નોંધી કાર્યવાહી હાથ ધરી હતી.જૂનાગઢ જિલ્લામાંથી કેદીઓને લઈ ઉના કોર્ટમાં ગયેલ એમટી શાખાના આઉટસોર્સિંગ ડ્રાઈવરને વિદેશી દારૂ સાથે એલસીબી પોલીસે ઝડપી કાર્યવાહી હાથ ધરી હતી.આ અંગે સી ડિવિઝન પોલીસમાંથી પ્રાપ્ત વિગત મુજબ જુનાગઢ એમ ટીશાખામાં આઉટસોર્સ માં ડ્રાઇવર તરીકે ફરજ બજાવતા હરેશ દામજીભાઈ કોરાટ (નંદનવન મેન રોડ ખામધ્રોળ) જુનાગઢ જેલમાંથી ઉના કોર્ટમાં કેદી જાપ્તા સાથે ડ્રાઇવર તરીકે મોકલવામાં આવ્યો હતો.
તેમજ સરકારી બસ નંબર જી જે ૧૮ જીબી ૪૫ ૩૫ ફાળવવામાં આવી હતી જે બસમાં મહિલા સહિત ૧૩ કેદીઓ અને ૧૦ પોલીસ કર્મીઓ ઉના કોર્ટમાં કેદી જાપ્તામાં ગયેલ હતા તે દરમિયાન ઉના કોર્ટની નજીક પાર્કિંગમાં અજાણ્યા શખ્સ ને બોલાવી બસની ડેકીમાં ૨૩ બોટલ દારૂ છુપાવ્યો હતો કેદી જાપ્તા સાથે જુનાગઢ ઇવનગર તરફ આવી રહ્યો હતો ત્યારે એલસીબીએ સરકારી બસને રોકી તપાસ હાથ ધરતા બસમાંથી ૨૩ બોટલ વિદેશી દારૂ મળી આવતા ડ્રાઇવર હરેશ કોરાટ સામે સી ડિવિઝન પોલીસમાં ગુનો નોંધી કાર્યવાહી હાથ ધરી હતી.
