Total Users : 107
Total views : 206
Who's Online : 0
અમદાવાદમાં જાહેર જગ્યાઓ પર મહિલાઓ કેટલી સલામત છે તે જાણવા માટે રીયલ લાઈફની મર્દાનીઓ મેદાનમાં ઉતરી ગઈ હતી. કેટલાક ટપોરીઓએ મહિલાઓને ગંદા ઈશારા કરતાં જ તેમને સબક શીખવાડીને જેલના સળિયા પાછળ ધકેલ્યા હતાં. તે ઉપરાંત તેમની પાસે એવી પણ બાંહેધરી લેવામાં આવી હતી કે તેઓ હવે કોઈની છેડતી અને રસ્તે જતી મહિલાઓ સામે કોઈ પણ પ્રકારની કોમેટ પાસ નહીં કરે.
અમદાવાદમા જાહેર જગ્યાઓ કેટલી સલામત છે તે જાણવા નીકળેલી મહિલા પોલીસને કેટલાક ટપોરીઓએ ઇશારા કર્યા હતા ત્યારે તેમને સબક શીખવાડીને લોકપના સળિયા દેખાડ્યા હતા. અમદાવાદ શહેરમાં પબ્લિક પ્લેસ, પબ્લિક ટ્રાન્સપોર્ટ અને એવી દરેક જગ્યાએ ખરેખર શું સ્થિતિ છે તે જાણવા માટે અમદાવાદ શહેરના ઝોન 1 ડીસીપી અને મહિલા પોલીસની ટીમ સતત કામ કરી રહી છે.
મહિલા P.S.I. જે.બી.ભાદરકા વસ્ત્રાપુર, નવરંગપુરા શી ટીમના કર્મચારીઓ તથા ઘાટલોડીયા પોલીસ સ્ટેશનના મહિલા P.S.I. એ.જે. વણઝારા તથા શી ટીમના કર્મચારીઓ સાથે ખાનગી કપડામા સામાન્ય જનતાની જેમ મહિલાઓ સાથે બનતા ગુનાઓ અટકાવવા તથા મહિલાઓને જરૂરી સુરક્ષા આપવા તથા મહિલાની છેડતીના બનાવો ન બને તે માટે પગલા લેવા સાબરમતી રીવરફ્રંટ વિસ્તારમાં પેટ્રોલીંગમાં હતા.આ દરમ્યાન સાથેના મહિલા કર્મચારીઓને ખરાબ ઇશારા કરી અશ્લીલ હરકતો જેવુ વર્તન કરતા આરોપી આનંદ પરમાર, ચિરાગ ભંડારી, રોમિલ નવીનભાઇ ઠાકોરને ઝડપી પાડ્યા હતાં.
